(C.) In nomine sanctae et individuę trinitatis. Heinricus divina favente clementia quintus Romanorum rex. Notum fieri volumus omnibus Christi nostrique fidelibus tam futuri temporis quam presentis, qualiter nos causa dei et iusticię, consilio et rogatu archiepiscoporum: Brvnonis Treuerensis, Frederici Coloniensis, et episcoporum: Erlvngi Werceburgensis, Brvnonis Spirensis, necnon Alberti nostri dilecti cancellarii, comitum quoque: Berengarii de Sulcebac, Godefridi de Caloen, aliorumque multorum nostrorum fidelium predium, quod legitime Berthulfi fuit, sed iniuste et violenter ablatum, iuste suis legitimis heredibus, Wichenanno et R[ic]hart sorori eius, reddidimus, curtem videlicet Sconenberc cum omnibus ad eam pertinentibus, precipientes, ut eis utantur absque molestia, tam ipse quam heredes eius, dum superstites fuerint. Ut autem hec iusticię restitucio per nos rationabiliter et consulte facta omni evo inviolabilis permaneat et ab omnibus observetur, hanc inde cartam fieri iussimus et manu propria corroboratam impressione nostri sigilli fecimus insigniri.

Signum domni Heinrici quinti Romanorum regis invictissimi. (M.6.)

Albertus cancellarius recognovit. (SI.1.)

Data kl. aug., indictione II, anno dominicę incarnationis millesimo CVIIII, regnante Heinrico quinto rege Romanorum anno III, ordinationis eius VIIII; actum est Herpesuort; in Christo feliciter amen.