Die Urkunden Heinrichs V. und der Königin Mathilde
<<†41.>>

Verunechtet.

Heinrich überlässt dem Kapitel des Stiftes St. Servatius zu Maastricht die als Eigentum des Stiftes zum Reichsdienst gehörige und früher im Lehenbesitz des Grafen Berthold von Hamm befindliche Kirche zu Lanaken, die gleiche Allmenderechte wie der dortige Reichshof haben soll, regelt die Zuständigkeiten für Vogtei, Investitur und Nutzung und bestimmt, dass vom Kapitel, jeweils verbunden mit einer Armenspende, zu seinen Lebzeiten am Tag seiner Ordination eine Messe und nach seinem Tode eine Totenmesse gelesen werden soll.

(wohl 1109).

In nomine sancte et individue trinitatis. Henricus quintus dei gratia Romanorum rex. Notum facimus omnibus fidelibus tam futuris quam presentibus, qualiter nos pro eterno anime nostre remedio et pro statu temporalis nostri regni, petitione fidelis nostri Adelberti, prepositi ecclesie sancti Seruatii et cancellarii nostri, ecclesiam existentem in villa, que dicitur Lodenaken, sitam in pago Asbannie, in episcopatu Leodiensi, in comitatu comitis Arnulfi de Lós, ex proprietate predicti sancti ad singularem usum servitii nostri pertinentem, fratribus ipsius sancti ad singularem usum suum remisimus et per manum comitis Heremanni de Winzenburch ad usum [ip]sorum fratrum firma traditione delegavimus. Hanc autem predicte ecclesie delegationem hac lege et hoc iure fecimus, ut terra, quecumque ad dotem ecclesie pertineret, sicut et dominicales mansi curtis in Lodenaken, que ad nostram servitutem pertinet, liberam comunionem habeat in exitibus, in reditibus, pascuis, silvis, aquis et in omnibus usibus. Advocatiam quoque soli preposito, investituram autem prebende presbyteri, si mortuus fuerit, et omnem reliquum usum ipsius ecclesie tantum decano et fratribus concessimus. Et ne lis et controversia fr[atr]ibus postmodum de traditione ipsius ecclesie contingere possit, de manu comitis Bertolfi de Ham, qui eandem ecclesiam in benefitio prius habuit, cum legali astipulatione in manum nostram et potestatem recepimus sicque eam receptam per manum comitis Hermanni de Winzenburch legaliter delegavimus. Ipsi autem fratres ex habundantia caritatis sue, quia clementer erga eos fecimus, orationes suas nobis statuerunt, scilicet in die ordinationis regni nostri annuatim, quamdiu vixerimus, missas celebrent et ipsa die duodecim pauperibus elimosinas suas erogent, post obitum vero nostrum in anniversario nostro cum predicta pauperum elimosina missas fidelium defunctorum.