(C.) In nomine sanctę et individuę trinitatis. Henricus divina favente clementia Romanorum ręx quintus. Quoniam ergo divinę providentię conplacuit mediocritatem nostram ad hoc erigere, ut curam sanctę suę ecclesię et huius curam regni geramus, quantum opitulante domino et consilio principum poterimus, pro reformanda pace et iusticia tocius ęcclesię studebimus inservire. Eam autem, cuius progenitores nostri fundatores fuerunt, scilicet Babinbergensem ecclesiam, quae etiam ad prerogativam nostrę tuitionis et mundiburdii pertinet, speciali affectu et studio diligere debemus et protegere. Notum ergo fieri cupimus ęcclesie Christi fidelibus tam futuris quam presentibus, qualiter Heynricus de Schůenburch predium quoddam Uiehbach dictum, quod ipse a potestativa donatione Heinrici ducis de Carinthia coram nobis et principibus in proprium suscepit, cum omnibus eiusdem predii pertinentiis et utilitatibus, nominatim terris cultis et incultis, pratis, pascuis et aquis aquarumque decursibus, molendinis, piscationibus, silvis, venationibus, viis, inviis, exitibus et reditibus, quesitis et inquirendis, precepto nostri et rogatu principum altari sancti Petri Babinbergensis ęcclesię potestativa manu, prout firmius potuit, in presentia nostra donavit. Idem predium predictus Heinricus de Sch. et filius eius Ǒdalricus de manibus Ottonis eiusdem sedis episcopi ad legem precariam receperunt, quatenus ipsi et tercius heres post ipsos sine servicio illud optineant, quartus [per m]ilitare servicium deserviat. Nostrę igitur maiestatis auctoritate precipimus, ut predictum predium nemo ulterius audeat in quoquam temerare, quatenus ab illis, quos diximus, precario iure quiete possideatur et ęcclesia Babinbergensis in sua possessione nullum dispendium paciatur. Preterea quarto [her]edi precipiendo denunciamus, ut sine aliqua tergiversatione tale beneficium militari servicio studeat deservire. Nolumus hic preterire, qua iusticia, qua ratione dux Heinricus probaverit se prefatum predium possedisse: Probavit namque dux predictus idoneis testibus coram nobis, coram duce Uvelfone et principibus se legitimo testimonio probasse Ratisbonę coram genitore nostro felicis memorię cesare Heinrico et principibus, quod ipse et frater suus Adilbero Babinbergensis episcopus ab invicem non diviserant, et propter hoc ibidem adiudicatum fuisse coram genitore nostro et principibus, quod frater suus episcopus nullam donationem quoquam potuit facere de prefato seu de alio, quod habere videbatur, predio; sic igitur illud predium hereditavit ad predictum ducem Heinricum iure hereditario. Et nunc quidem, prout firmius potuit, donavit illud in proprium cum omnibus pertinentiis et utilitatibus suis homini suo Heinrico de Schunburch, quatenus ipse potestatem habeat illud possidendi, vendendi, commutandi, precariandi et omnino, quicquid velit, inde faciendi. Et donationem illam coram nobis et principibus recognovit. Ut autem omnia ista, prout in presentia nostra sunt diffinita, rata et inconvulsa permaneant, nomina principum et nobilium, qui nobiscum viderunt et audierunt, subtus notari et sigillo nostro presentem paginam insigniri precepimus. Nomina testium: Fridericus Coloniensis archiepiscopus, Hartuuicus episcopus Ratisponensis, Ǒdalricus Patauiensis episcopus, Heinricus episcopus Frisingensis, Eberhardus episcopus Eistetensis, Hermannus episcopus Augustensis, Purchardus episcopus Monasteriensis, dux Uvelfo, dux Fridericus, marchio Leupoldus, marchio Diepoldus, marchio Engilbertus, comes Wicpertus de Turingia, comes Lǒdewicus, comes Adalbertus de Bogen, comes Peringer, comes Hermannus de Ratilinberg, comes Ekkebertus de Bůtine, comes Otto de Hauichsberch, comes Friderich de Tengelingen, comes Wergant de Blainn, comes Gebehardus de Beugin, Friderich advocatus Ratisbonensis, Hartwich de Chregelingen, comes Pertolfus de Berhtheim, Uvernher advocatus Augustensis, Wolfker de Nalubie, Dietrich de Waltindorf, Mazil de Muleheim, Gerloch de Orte, Rǒpreth de Balsenz, Boto de Asparin, Rǒdolf de Berge, Adilram de Vtindorf, Adilbero de Griezbach, Diepolt de Butinberge, Harthwich de Winchelsaze, Pernharth, Adilram et frater eius de Treisim, Ernist et frater eius de Teisim, Hartwich de Treisim, Piligrim de Rauhnah, Otto de Mosin, Volkold de Trigilbach, Reginberht de Haginau, Erchinberht de Mosburch et frater eius Egino, Heinrich de Piburch, Huch de Steine, Heinrich de Sigenburch, Pernharth de [....]dorf.

Signum domni Heinrici quint (!) Romanorum (M.6.) regis invictissimi.

Ego Adilbertus cancellarius vice Rothardi archicancellarii recognovi. (SI.F.)

Data III. kl. octobr., indictione I, anno vero dominicę incarnationis millesimo CVIIII, regnante Heinrico V. rege Romanorum anno IIIo, ordinationis eius VIIII; actum est Presburch; in Christo feliciter amen.