(C.) In nomine sancte et individue trinitatis. Heinricus divina favente clementia quintus Romanorum rex. Notum fieri volumus omnibus Christi nostrique fidelibus tam futuris quam presentibus, qualiter nos rogatu et licentia Welfonis ducis et maxime pro dileccione atque fideli servicio Liupoldi marchionis ac digna petitione Ebrehardi Eistetensis episcopi et coepiscoporum eius, Heinrici Frisingensis, Hartwici Radixbonensis, Hermanni Augustensis, Thetboldi marchionis, Peringarii comitis aliorumque multorum nostrorum fidelium in villa, que Brunna vocatur, in comitatu Lupoldi marchionis, Hedenrico tres regales mansos per hoc scriptum cum omnibus eorum pertinentiis in proprietatem dedimus, videlicet familiis utriusque sexus, terris cultis et incultis, pascuis, pratis, silvis, venationibus, aquis, molendinis, piscationibus, exitibus atque reditibus et omni utilitate, que inde poterit omni tempore provenire. Et ut hoc inviolabile permaneat, hanc inde kartam conscriptam impressione nostri sigilli iussimus insigniri.

Signum domni Heinrici quinti Romanorum regis invictissimi. (M.1.)

Albertus cancellarius vice Rothardi Maguntini archiepiscopi recognovit.

Dat. kal. maii, indictione I, anno dominice incarnationis millesimo CVIII, regnante Heinrico quinto rege Romanorum anno tercio, ordinationis eius nono; actum est Nuorenberch; in Christi nomine feliciter amen.