In nomine sanctę et individuę trinitatis. Notum sit omnibus fidelibus presentibus et futuris, qualiter ego Richvuinus prepositus sancti Martini infra murum Guormacię, pro optentu divinę misericordię, cum assensu domini mei christianissimi regis Heinrici et rogatu reverentissimi Treuerensis archiepiscopi Brunonis, tradidi canonicis predicti claustri sancti Martini ad dispensationem albi panis, quem non habebant, decimam ad Sconenberc pertinentem cum omni utilitate, decimam quoque in villis ultra Rhenum contra Bopardam sitis cum omni utilitate excepto vino, scilicet in villa Bráto, in Daleheim, item in Daleheim, in Spaldo, in Burgenhouun, in Campa, in Luggereshusun. Si quis autem successorum predictas res aliquando fratribus subtrahere voluerit et hoc datum, quod predictum est, irritum fecerit, divinę ultionis severitatem continuo incurrat sanctęque dei genitricis et sancti Martini omniumque sanctorum Christi offensam inveniat regięque potestati sive episcopo suo librę auri debitor sit.

(SI.2.)

Data est anno incarnationis dominicę millesimo CX, indictione III, II. id. iunii, Guormacię, quarto anno quinti Heinrici regis.