Omnibus credentibus Christi fidelibus notum sit, qualiter matrona quaedam Iudhita cum filio suo Annone campsionem cuiusdam possessionis sancti Ioannis baptistae, Roda nominatae, ab Hildiboldo abbate tam studiose quesierit, ut praedictus eius filius cum Heinrico archiepiscopo huius campsionis licentiam a rege Heinrico quinto acceperit … Hec omnia ab ipso Annone et fratribus eius Walthero, Wernhero, Adelberone et Adelberto confirmata et coram his testibus, videlicet venerando archiepiscopo Adelgoto et episcopo Hecelone et advocato Hermanno urbis praefecto, comite quoque palatino Fritherico hisque comitibus, Oldone, Thiderico, aliisque quamplurimis utriusque partis consensu tanta stabilitate sunt solidata, ut pars, quae hoc pactum violare praesumeret, centum talenta persolveret. Ut autem haec inconvulsa permaneant, ego Adelgoz tam banni episcopalis quam sigilli sancti Mauritii confirmo impressione. Omnia haec acta sunt anno dominicae incarnationis MCVII, indictione XV, rege Heinrico quinto regnante et Hildiboldo tum temporis abbate eidem ecclesiae praesidente.