(C.) In nomine sanctae et individue trinitatis. Heinricus divina favente clementia quartus Romanorum imperator augustus. Dum fidelium nostrorum utilitati benigne consulimus digneque eorum peticioni acquiescimuus antecessoru (!) nostrorum regum sive imperatorum morem exsequimur et tanto maiorem futurorum nobis nostrisque successoribus benivolentiam spe remunerationis captamus. Notum sit igitur omnibus tam futuris quam presentibus, quod non solum Traiectensibus, sed etiam omnibus, qui in illorum ambitu continentur, [ius] et consuetudinem ac privilegium ab episcopo Godebaldo concessum cognoscimus et sub huius condicionis titulo confirmamus, ut unanimes nostrę insistant fidelitati nostręque dignitati ac coronę detrahentes et adversantes pro possibilitate opprimere studeant, infideles humiliando, sed fideles corroborando. Venientes autem ad presentiam nostram devoti ac fideles nostri Giselbertuus, Galo scultetus et Arnoldus castellanus et honestiores Traiectensium cives conquesti sunt nobis de violenta iniuria, quam in theloneo Traiecti constituto sustinuerunt, dicentes, quod contra antiquam et ratione subnixam consuetudinem a mercatoribus civitatem illam frequentantibus graves cotidie fierent exactiones. Habito igitur tractatu cum pruden[tior]ibus super antiqua consuetudine et iusta solvendi thelonei ratione intellexi[m]us, quid super eiusdem thelonei rationabili exactione celsitudinis nostrę auctoritas definire deberet. Decrevimus enim circa hoc et in perpetuum precepimus antiquę institucionis et observantię modum, qui talis est: Qui de supra Dusburg [veniu]nt annonam afferentes, dent octo d[en]arios, sed octavus eis reddatur, de pl[e]ct[e] duos et unum pro modio; qui autem a locis infra Dusburg constitutis ven[e]rint, dent septem denarios et septimus eis reddatur, de plecte duos et unum pro modio. Vinum afferentes de quolibet vase sedecim denarios dent, sextus decimus ei[s reddat]ur; si decem vasa vel plura habuerint, unius vasis theloneum remittatur eis, quod vulgo uůllewin dicitur; si pauciora quam decem nichil condonetur eis. Si all[ecia], ut deferant, emerint, si maius est theloneum piscis quam vini, pro pisce theloneum solvant. Fresones sal afferentes unum lop salis et unum denarium solvant, [Freso]nes de Osterlant venientes viginti q[ua]tuor denarios dent, ita ut quatuor eis reddantur. De Saxonia venientes decem et septem dent denar(ios), VIImus Xmus eis re[dda]tur. Es venale afferentes fertonem de quolibe[t] last solvant. Dani cum mercandi causa introierint civitatem, de capite suo singuli, qui magistri d[ic]untur navium, quatuor denar(ios) dent. Nortmannos ab omnimodo [t]heloneo liberos esse cognoscimus. Quicumque infra terminum huius thelonei venerit et de hoc convictus fuerit, quod iustum theloneum dolose detulerit, tria talenta Tielensis monetę solvat. Quicumque mercandi causa civitatem intraverint, tam ipsi quam bona eorum sub iudicio illorum maneant, qui publice iuraverunt iustam iudicii dare sentenciam, i[des]t scabinorum. Ut autem huius nostrę confirmationis auctoritas stabilis et inconvulsa permaneat, hanc inde cartam propria manu corroboratam scribi et sigilli nostri impressione iussimus insigniri. Huic nostrę confirmationi idoneos adhibuimus testes: Godebaldum Traiectensem episcopum, Conradum Osnabrucgensem episcopum, Mengodium sancti Martini prepositum, Hermannum prepositum, Fridericum comitem de Arnesberch, Arnoldvm comitem de Cleue, Arnoldum de Rod et fratrem eius Rucherum, Giselbertum, Galonem scultetum Waldonem, Sigebaldum, Hermannum, Wiltetum, Godescalcum, Vscherum, Algerum, Petrum, Tanconem. (SI.4.)

Signum Heinrici quarti Romanorum imperatoris invictissimi (M.9.)

Bruno cancellarius recognovi vice archicancellarii.

Data in palacio imperatoris in Traiecto, quod vulgo Lofen dicitur, anno incarnationis dominicę MCXXII, indictione XIII, IIII. non. iunii, anno domni Heinrici quarti regni eius XXIII, imperii vero XII.