Die Urkunden Heinrichs V. und der Königin Mathilde

Abbildungsverzeichnis der europäischen Kaiser- und Königsurkunden

<<†300.>>

Unecht.

Heinrich bestätigt dem von dem Grafen Eberhard von Nellenburg gegründeten und dem Schutz des Hl. Stuhles unterstellten Kloster Schaffhausen die von genannten Päpsten verliehene Immunität sowie alle bisherigen Schenkungen, gewährt die freie Wahl des Vogtes, der notfalls abgesetzt werden kann, wenn vorher im Königsgericht über seine Amtsführung Klage erhoben worden war, und legt dessen Rechte fest. Ferner kann der Abt einen Meier (villicus) einsetzen, der, vom Vogt mit dem Gerichtsbann ausgestattet, bei Streitigkeiten als 2. Vorsitzender in Erscheinung treten und dem Abt über die eingegangenen Gebühren Rechenschaft ablegen solle.

Bamberg, 1120 (statt 1122) (etwa November 11).

(C.) In nomine sanctę et individue trinitatis. Heinricus divina favente clementia quartus Romanorum imperator augustus. In extremo summi iudicis examine equale meritum credimus fore dantis et corroborantis. Eapropter fidelium nostrorum tam presentis quam futurę ętatis universitas noverit, quod Eberhardus comes de Nellinburch venerabile quoddam cęnobium apud villam Scafhusam in suę proprietatis fundo edificavit et beato Petro oblatum in ius perpetuum et tutelam apostolicę sedis tempore Gregorii pape huius nominis VII. absque ullius contradictione contradidit. Quicquid igitur inmunitatis a predicto pontifice sanctę et apostolicę sedis itemque ipsius successoribus sancte et apostolice sedis presulibus, videlicet Vrbano, Paschale, ipsi loco concessum est, nos quoque concedimus et lege imperpetuum valitura roboramus. Statuimus itaque, ut universa, quę prefatus comes Eberhardus et filius eius Burchardus itemque alii cuiuscumque ordinis viri predicto cenobio de suis facultatibus contulerunt et quecumque hodie possidet, firma tibi, reverende abba Adilberte et tuis successoribus ad usum monachorum deo ibi servientium in omne tempus permaneant. Abbas sane cum fratribus advocatum, quem voluerit, instituat; qui si postmodum inutilis fuerit, abbas cum fratribus apud regalem iusticiam querimonia super eo habita eius adiutorio et auctoritate illum removeat et alium, quem sibi utilem perspexerit, preficiat. Qui advocatus in possessionibus sepedicti monasterii nullam potestatem habeat castellum aliquod vel munitionem edificare neque aliquas hospitationes indebitas aut precarias seu freda et redibitiones exigere, non alterum advocatum sine permissione abbatis et fratrum ordinare, sed contentus sit concesso sibi iure et tertia portione earum rerum, que de litium compositionibus fori iure accrescunt. Porro abbas villicum, quem maluerit, in loco Scafhuse instituat, cui advocatus bannum sui iuris sine precio et absque omni contradictione concedat, ea videlicet ratione, ut in causis cognoscendis et litibus dirimendis secundo loco ab advocato presideat et abbati de portione compositionum fideliter respondeat. Ipsum locum etiam Scafhuse cum omnibus pertinentiis suis, scilicet ęcclesia, nundinis, mercato, moneta, naulo, theloneo, areis, ad potestatem et dominium abbatis presenti pagina pertinere statuimus. Si quis autem hoc preceptum nostrum violare presumpserit, secundo tertiove commonitus si fratribus non satisfecerit, banno nostro subiaceat et abbati ipsius monasterii pro illatis dampnis dupliciter componat necnon auri purissimi centum libras imperatori persolvat aut ab omni dignitate sua deponatur. Ut autem hoc ab omnibus credatur et omni ęvo inviolabile permaneat, hanc cartam inde conscriptam et manu propria corroboratam inpressione nostri sigilli, ut apparet inferius, iussimus insigniri. Huius rei testes nostri sunt principes: Roggerus Magidiburgensis archiepiscopus, Otto Babinbergensis episcopus, Reginhardus Haluerstatensis episcopus, Ǒdalricus Eistatensis episcopus, Gebehardus Wirziburgensis episcopus, Arnoldus capellarius; alii quoque principes: Fridericus dux Sweuorum, Heinricus dux Bawariorum, marchiones Diepaldus et Engilbertus, Otto, Gotefridus, palatini, Beringarius comes, Ludewicus comes et alii quamplures.

Signum domni Heinrici (MF.) quarti imperatoris (SI.D.) invietissimi.

Philippus cancellarius recognovi vice archicacellarii (!).

Acta sunt hęc in Babinbergensi curia, anno dominice incarnationis millesimo CXX, indictione XIII.