[In nomine sanctę et indi]viduę trinitatis. Heinricus divi[na] favente gratia Romanorum imperator augustus. Notum sit omnibus Christi fide[l]ibus futuris atque presentibus, qualiter rusticos in Pustrensi comitatu in predio Sǒ[ne]burgensis ęcclesię habitantes preter eos, qui allodiorum suorum possident proprietates, et eos, qui trium criminum rei, furti videlicet, rapinę, nocturni incendii, accusati vel convicti fuerint, cętros (!) autem universaliter a predictę provincię comitis districtione [v]el placitis principum nostrorum, Sigebotonis, Perhtoldi, Ottonis et Arbonis comitum [aliorumque] plu[rim]orum et illustrium et nobilium virorum iusto iudicio parique consensu remo[vi]m[us] et ex[cl]usimus et ea lege, qua ab antecess[orib]us nostris regibus vel imperatoribus usi sunt, imperial[i] [nost]r[a] potestate libere uti conces[simus], et [frue]nda perpetuanti iure censuimus. Verum ut firmior nostri nostrorumque princip[um] […]e status omni [evo] contra malivolorum [ver]sutias inmutabili et inconvulsa sta[b]ilitate permaneat, hoc privilegium iustę defen[sio]nis indicium conscribere scriptumq[ue si]gilli nostri inpressione mandav[imus] signiri.

Burchard[u]s eg[o M]onaste[riensi]s ęcclesię presul et archica[nce]llarius [no]tarium nostrum hanc kartam c[onscr]ibere [et] signiri fecimus.

Anno vi[delicet dominice] incarnat(ionis) MCXX, indictione [XIII, V.] idus sept., regna[n]te quinto Heinrico imperatore, anno imperii sui IX; actum Brixine; feliciter amen. (SI.F.)