In nomine sancte et individue trinitatis. Heinricus divina favente gratia Romanorum imperator et semper augustus. Nos fieri notum cupimus omnibus Christi fidelibus presentibus et futuris, quod Volcholdus levita, venerandus fundator cenobii sanctimonialium in Sunebvrch, estimans fragilitati feminee succurrendum a nobis petiit confirmari, ut, quicquit abbatissa eiusdem loci sine sacerdotum necnon sui conventus consilio attemptaverit, cassum et irritum penitus teneatur, volensque, ut, quorum vocibus unaniminibus eligitur abbatissa, eorundem quod consiliis primum in omnibus salubribus, in temporalibus et in spiritualibus, tamquam in Christo fratribus et sororibus pareatur (!). Cuius desiderio rationabili clementius inclinati nostri sigilli appensione hoc scriptum mandavimus insigniri, presentibus nostris principibus: Sigebotone, Perchtoldo ducibus; Heimone, Ronzone et Hugone ac aliis multis illustribus et nobilibus viris.

Acta sunt hec anno domini incarnat(ionis) MCXX, indictione XIII, iulio IIIIto exeunte, nobis XVIII. anno imperium possidente; dat. Auguste; feliciter amen.

(SP.)