(C.) In nomine sanctae et individuae trinitatis. Heinricus divina favente clementia quartus Romanorum imperator augustus. Si circa sanctorum loca beneficia condigna inpendimus, hoc nostrum inperialem maiestatem concedere (statt condecere) credimus, insuper et ęterna premia nos inde adipisci confidimus. Quapropter omnium Christi nostrorumque fidelium universitate (!) sire volumus, qualiter nos ob amorem Christi et eius genitricis et sancti Uitalis ac per interventum nostre contectalis Mathildis et aliorum principum nostrorum, scilicet Arpo episcopus Feltrensis, Arnulsus capellanus, Anselmo da Busco marchio, Guido Strata, Malussporone, Conradus mariscalcus, Malustalliatus necnon Maleguarnitus necnon Anselmus, cęterorumque fidelium nostro (!) abatiam sancti Vitalis Rauenne, ab antecessore nostro Ottone imperatore a Iohanne Rauennatis ęcclesię archiepiscopo ordinato monasterio ac postea ab Henrico nostro antecessore corroboratam, cum omnibus suis pertinenciis, quicquid videlicet predicta abbatia per aliquod munimen cartularum vel traditionum detinet vel eidem pertinet ab ęcclesia Romana et Rauennate aut ab aliqua alia, seu etiam quicquid iure proprietatis detinet aut aquirere in futuro poterit, idest quicquid infra moros (!) possidet civitatis vel in suburbio vel possessurum est; et insuper curtem sancti Laurentii in Scornio cum omnibus pertinentiis suis [in]sra (!) toto comitatu Ferarie et in toto saltu, cum pisscariis in Pado vel ubique positis, cum p[al]udibus, venationibus, aucupationib[us] circum Rauennam similiter positis; curte[m] etiam sancti Theodori cum omnibus pertinentiis suis, cum paludibus, piscariis, venationibus, aucupationibus, sil[vi]s, spinetis, salinis, cotumis (!); vel quicquid habet vel aquirere debet in toto comitatu Ficoclensi vel Cesene; verum etiam curtem sancte Marie in Gauriolo cum omnibus sibi pertinentibus; curtem sancti Iohannis in Marmiano cum omnibus sibi pertinentibus vel subiacentibus vel ubique positis infra [t]oto comitatu Arimini; verum etiam quicquid habet in toto comitatu Fanensi vel in toto comitatu Senogalie; curtem etiam sancti Petri in Ponticello cum omnibus pertinentiis suis, in planis et in montaneis vel ubique positis; et insuper ęcclesiam sancti Petri in Casaliclo cum omnibus suis pertinentiis circumquaque positis; et quicquid infra civitatem Fauentie vel extra ubique positis; quicquid in his duobus comitatibus Fauentie scilicet et Imole vel ubique positis, hęc omnia cum areis, edificiis, castris, capellis, silvis, pratis, passcuis, paludibus, salectis, o[l]ivetis, vinetis, montibus, vallibus, planiciebus, aquis aquarumq[u]e decursibus, piscationibus, venecionibus (!), salinis et cum omni utilitate, que vel nominari vel scribi potest; verum etiam curtem sancti Laurentii in Ariclania cum omnibus suis pertinentiis; terram etiam Alberti iudicis quoquumodo datam vel a monasterio al[i]enata, sit, illi restituo, sicuti Brunus investivit precepto nostri antecessoris, scilicet Roncum et Troam et sanctam Mariam in Tribbo et ambo molendina; et insuper concedo nondum concessum, scilicet ut, ubicumque est sui iuris inter Rauennam et Fauentiam, supra flumen Fantinum edificandi molendinum sine alicuius calumnia; hęc omnia ab omni subiectione archiepiscoporum nullis dominantium personis subiecta. Sintque monachi eius ab omni secularis servicii infestatione securi, nullis (!) persone parve vel magne ni[si] nostre de platito respondentes et ab omni angaria sive fodro tam nostro quamque missorum nostrorum seu omnium secularium potestatum cum suis omnib[us] remoti. Qui etiam de suis abbatem eligant, qualem voluerint, absque omni calumnia. Si quis autem hoc preceptum imperiale nostrum infring[e]re presumserit, componat ducentas libras auri cocti, medietatem camere nostre et medietatem prelibate abbatię. Quod ut verius credatur, hanc paginam imperialem manu propria roboratam sigillari iussimus.

Signum domni Henrici quarti Romanorum imperatoris invictissimi.

Brucardus cancellarius recognovit. (M.7.) (SMP.).

(S.D.)

Data V. k. ianuarii, indictione X, anno dominice incarnationis MCXV, regnante quinto rege Romanorum anno X, imperante V; actum est apud Forumpopuli; in Christo feliciter amen.