(C.) In nomine summae et individ[ua]e trinitatis. Heinricus divina annuente clementia Romanorum imperator augustus. Notum esse volumus omnibus tam futuri quam presentis temporis fidelibus, qualiter nos petitione Ernesti venerabilis abbatis Reginherisbrunnensis cęnoobii (!) et Luodouuico comite interveniente locum, qui dicitur Steininfirst, suo monasterio in proprietatem concambio quodam acquisitum erga Hartvvigum Hersfeldensem abbatem per manum Sizonis comitis sui advocati, tribus videlicet mansis et dimidio in villa Merchesliebe dicta, necnon erga Cunigundam cum sex mansis in Ingrisliebe, Thuoteliebe, Hantschuhesliebe, necnon erga palatinum comitem Sigifridum eiusque coniugem Gerdrudem, qui partem ad se pertinentem felici commutatione pro remedio anim[a]rum suarum partim pro servitio ab abbate et fratrib[us] s[i]bi inpenso tradiderunt, regia auctorit[at]e predicto monasterio Reginherisbrunnon stabi[li]tum esse perpetualiter possidendum volumus cum omnibus appenditiis ad eundem locum Steininfirst pertinentibus, hoc est [a]reis, pratis, pascuis, silvis, venat[io]nibus, piscationibus, v[i]is et inviis, cultis et incultis, [exitibus] et reditibus, qu[esitis] et [inquirendis], cum omni utilitate, quę quocumque modo nominari vel dici p[o]ssit, hoc imperiali censura statuentes, ut nemo illic aliquid negotii exerceat preter abbatem prefati cęnobii et cui iusserit ipse. Et ut hęc nostrę pietatis confirmatio ab omnibus semper credatur et stabilis potentialiter permaneat, hanc inde cartam testamentariam conscriptam et manu propria corroborantes sigilli nostri inpressione insigniri iussimus. (SMP.). (SI.F.)

Signum domni Heinrici (M.) quarti imperatoris augusti invict[issimi].

Adalbertus cancellarius vice Mogontinę ecclesiae, quae nunc archicancellaturam ten[et, reco]gnovi.

Data VI. kl. sept., anno dominicę incarnationis MCXI, indictione V, anno domni Heinrici quarti imperatoris imperii eius I, regni autem VII; actum VVormacie; in Christo feliciter.