Die Urkunden Heinrichs V. und der Königin Mathilde

Abbildungsverzeichnis der europäischen Kaiser- und Königsurkunden

<<275.>>

Heinrich bestätigt dem Kloster St. Blasien die Schenkung des Gutes Schluchsee in angegebenen Grenzen durch Herzog Rudolf von Rheinfelden und genannte adlige Mitschenker sowie eines innerhalb der Grenzen gelegenen Anteils des Klosters Reichenau, welches dafür von dem zu den Schenkern zählenden Reichenauer Vogt Hezelo tauschweise dessen Gut Ruttin an der Ostrach erhalten hatte.

Straßburg 1125 Januar 8.

(C.) In nomine sanctae et individuę trinitatis. Heinricus divina favente clementia quartus Romanorum imperator augustus. Si ea, quę ęcclesiis ab antecessoribus nostris vel modernis divino instinctu collata sunt, corroborare nostrique privilegii confirmatione stabilire curamus, hoc in presenti ac in futuro seculo nobis proficere non dubitamus. Noverit itaque omnium tam presentium quam futurorum sollers industria, qualiter dux Rǒdolfus de Rinuelden et comes Otto et filius eius Fridericus comes, Echebertus comes de Saxonia, Ita de Saxonia et de Birctors, Tǒto de Wagenhusen, Hecelo advocatus Augensis quoddam prediu[m] Slocse pro remedio animarum suarum sancto Blasio et fratribus ibidem deo in perpetuum famulantibus in proprium communi voto contulerunt cum omni iure et utilitate, qua ipsi possederunt: sicut Warza de Slose descendit et inde usque ad Stouen, ubi rivus Fustenbach oritur, et Fustenbach inferius usque in aquam Mettema, exinde de Mettema superius, qua dicitur Steina, usque ad locum, quo Bucenbrunen nascitur, et inde usque ad Heiscinbach et inde ad locum, qui dicitur Satelbogo, et inde usque Pilestein et inde usque ad montem Felberc, ubi Alba nascitur. Huius predii confinii pars quedam ad ęcclesiam Augensem attingebat, quam Hecelo, eiusdem ęcclesię advocatus, cum predio suo Ruttin iuxta Ostra commutatam sancto Blasio libere affectavit, laudantibus et sacramento confirmantibus Marcwardo scilicet de Almistorf, Bertoldo de Lucelstete, Burchardo de Peringen, quod illud concambium, quod factum est apud Singerbrucho presente abbate Echehardo Augensi et duce Bertoldo ipsorumque hominibus tam liberis quam ministerialibus multisque aliis, qui ad predictam commutationem pro bono convenerant, plus prodesse Augensi ęcclesię quam obesse; predicti autem iurantes de familia erant Augensis ęcclesię. Nos ergo predictum predium Slocse, quod iam prescriptus dux Rǒdolfus aliique predicti nobiles sancto Blasio et fratribus eiusdem loci contulerunt, itemque partem illam, quam supradictus Hecelo per iam nominatum conca[m]bium acquisivit et ęcclesię sancti Blasii tradidit et legitime affectavit, eidem ęcclesię sancti Blasii recognoscimus et confirmamus cum omnibus eiusdem predii prescriptis appenditiis. Ac pro nostre animę remedio parentumque nostrorum kartam presentem iussimus componi et, ut liberius ipsum predium Slocse predictę ęcclesię fratres possideant, propria manu insignitam proprium sigillum apponi fecimus, ea die scilicet, qua liberam electionem eligendi advocatum Rusteno abbati sancti Blasii confratrum suorum et nostro consilio recognovimus et privilegium, qualiter ad hoc pervenerint, dedimus. Presentes autem fuerunt donationi huius privilegii: Ansericus Bisuntinus archiepiscopus, Ǒdalricus Constantiensis episcopus cum ceteris episcopis, dux quoque Fridericus et Godefridus comes palatinus aliique principes, qui interfuerunt, dum aliud privilegium Rusteno abbati suisque confratribus sancti Blasii pro libertate et electione advocati retinenda porreximus.

Signum Heinrici quarti Romanorum imperatoris (M.9.) invictissimi. (SI.D.)

Philippus cancellarius vice Adelberti Mogontini archicancellarii recognovi.

Acta sunt hęc anno dominicę incarnationis MCXXV, indictione III; data Argentinę VI. id. ian.; feliciter amen.