(C.) In nomine sanctae et individue trinitatis. Heinricus divina favente clementia quartus Romanorum imperator augustus. Ecclesiarum consulere utilitatibus deo omnipotenti constat placere et hominibus. Notum sit omnibus Christi fidelibus tam presentibus quam futuris, qualiter nos interventu coniugis nostrę Mathildis reginę et peticione fidelis nostri Mogontini archiepiscopi et apostolicę sedis legati Adelberti medietatem castri Epenstein sanctę Mogontinę ęcclesię et beato Martino tradidimus et perpetua delegatione donavimus cum omnibus appendiciis suis, eo tenore, ut illud libere tenea[t] et omni tempore quiete possideat suisque necessitatibus, prout u[t]ilius noverit, inde provideat. Ut autem huic nostrę tradicioni maior adhibeatur auctoritas, princip[es nostros, i]n quorum presentia facta est, subscribi iussimus: Ǒdalricus Eistatensis episcopus, Arnoldus Spirensis episcopus, Folmarus Hirsauiensis abbas, dux Fridericus, Godefridus palatinus comes, Ar[noldus] comes et advocatus Mogontinę ęcclesię. Si quis vero hoc legale prec[e]ptum nostrum infringere presumpserit, auri purissimi C libras componat, medietatem camerę nostre, medietatem [ips]i ęcclesię. Et ut huius nostrę tradicionis donatio stabilis et [i]nconvulsa permaneat, hanc paginam inde conscriptam manu propria corroboratam sigilli nostri impressione [i]ussimus insigniri.

Signum Heinrici quarti Romanorum imperatoris (M.9.) invictissimi.

Philippus cancellarius vice Adelberti Mogontini archicancellarii recognovi. (SI.4.)

Acta sunt hęc anno dominicę incarnationis MCXXIIII, indictione II, data autem Wormatie, III. kl. iunii; feliciter amen.