Die Urkunden Heinrichs V. und der Königin Mathilde
<<260.>>

Heinrich bestätigt der bischöflichen Kirche von Utrecht die von seinem Vater gemachte Schenkung einer Grafschaft in Friesland.

(um 1123 Juni/Juli).

In nomine sanctę et individuę trinitatis. Heinricus divina favente clementia Romanorum imperator augustus. Notum sit omnibus Christi fidelibus, tam futuris quam presentibus, quod ego Heinricus quintus Romanorum imperator augustus donum, quod pater meus tum pro remedio animę suę tum pro amore et servicio felicis memorię Cǒnradi episcopi Traiectensis, nutricii mei, dederat sancto Martino in Traiecto de comitatu Fresię, renovavi, renovando confirmavi et iterum dedi fideli meo Godebaldo, supradictę ęcclesię episcopo, ut amplius libere et sine omni contradictione possideant tam ipse quam successores eius, ea videlicet ratione, ut nullus successorum nostrorum regum vel imperatorum nec nostra ipsissima persona, etiam si velimus, nullo modo Traiectensi ęcclesię umquam auferre possimus. Cuius rei testem hanc cartam conscribi iussimus, quam, ut infra videtur, manu propria corroboratam nostrique sigilli impressione insignitam omnium seculorum noticię reliquimus. Testes, qui viderunt et audierunt, hi sunt: Theodricus episcopus Monasteriensis, episcopus Uercellensis, comes Gerardus, filius eius Gerardus, Godefridus de Malsne, Heremannus frater eius, Stephanus de Oie, Heremannus Piscis, Arnoldus de Rothe, et alii quamplures testes idonei.

Signum domni Heinrici tercii Romanorum imperatoris augusti.

Philippus cancellarius vice archicancellarii recognovi.