Die Urkunden Heinrichs V. und der Königin Mathilde

Abbildungsverzeichnis der europäischen Kaiser- und Königsurkunden

<<248.>>

Heinrich bestätigt dem Nonnenkloster Waldkirch nach dem Vorbild Kaiser Ottos (III.) dieselben Rechte und Freiheiten, wie sie die Klöster Reichenau, Corvey und andere besitzen, mit freier Verfügung über den Besitz, freier Wahl der Äbtissin, Immunität und freier Vogtwahl.

Straßburg, 1123 Januar 24.

(C.) In nomine sanctae et individuae trinitatis. Heinricus divina favente clementia quartus Romanorum imperator augustus. Si libertatem et iura ęcclesiis dei ab antecessoribus nostris regibus sive imperatoribus collata confirmamus et corroboramus, hoc procul dubio et ad presentis nostri regni statum et ad ęternę beatudinis premium nobis profuturum fore credimus. Quapropter omnium fidelium nostrorum tam presentium quam futurorum noverit sollers industria, quomodo nos antecessorem nostrum beatę memorię regem Ottonem sequentes cuidam monasterio Waldkiricha vocitato, in pago Brisiggowe dicto et in comitatu Birthilonis comitis sito ac in honore sanctisimę dei genitricis Marię sanctęque Margaretę virginis constructo ac dedicato, quod per tradicionem Burchardi strennuissimi ducis Alemannorum una cum consensu et comprobatione contextalis suę Hadewigę hereditario iure in nostrum decidit ius, talem donamus atque largimur libertatem, qualem Augea, Corbeia aliaque monasteria habent nostri regni, in quibus monachi vel monachę sub regula sancti Benedicti digna deo prebent servicia. Volumus enim, ut prefatum monasterium rerum suarum liberam in omnibus disponendi regulariter habeat potestatem, ut, quęcumque eidem monasterio in auro vel argento, in agris et famulis seu quibuslibet rebus fuerint oblata sive in presenti die collata esse constant vel data, in dispositione maneant abbatissę, quę eidem loco prelata est vel in futuro prelanda erit, ut, quicquid secundum dei timorem regulariter disposuerint ad ęcclesię ipsius utilitatem, liberam in omnibus cum consilio sororum suarum spiritualium inibi deo servientium faciendi habeant potestatem. Monachę vero, quę ibi sub regula sancti Benedicti die noctuque incumbant servicio divino, dum more mortalium abbatissa earum cursum huius vitę consummaverit, habeant potestatem eligendi inter se abbatissam et eam videlicet personam, quę propositum conversationis et moribus et habitu profiteatur. Insuper volumus et nostro imperiali banno interdicimus, ut nullus mortalium potestatem habeat in prefato monasterio vel in locis ad illud monasterium pertinentibus pernoctandi vel placitum tenendi aut paratam exigendi seu aliquod servile onus eis earumque familiis inponendi, nisi forte necessitatis causa aut dilectionis gratia vocati ab abbatissa adveniant, ne inportunitate sui suorumve sacro loco aliqua inferatur molestia; advocatus enim nullus ibi constituatur, nisi quem ipsius monasterii abbatissa cum consilio totius congregationis sibi aptum et utilem elegerit, et si inscię et non satis cautę sibi advocatum non bonum adquisierint, re cognita eo abiecto potestatem habeant in alterum illis utiliorem transire. Et ut hęc nostrę regię auctoritatis concessio stabilis et inconvulsa omni permaneat evo, hanc inde cartham scribi et sigilli nostri impressione iussimus insigniri. Facta est autem hęc nostra concessio presentibus et petentibus principibus et nostris fidelibus, quorum nomina hęc sunt: Bertolfus Basileensis episcopus, dux Cuonradus, Godefridus palatinus comes, Hugo comes, Folmarus comes, Sigefridus Argentinensis burcrauius, Ruodolfus scultetus, Gelfrâdus thelonearius; Herimannus comes, Albero comes, Adelbertus comes, Wernherus comes; Bertolfus Morbacensis abbas; Lambertus Ostiensis episcopus et Saxo cardinales.

Signum Heinrici quarti Romanorum impera(M.9.)toris invictissimi.

Philippus cancellarius recognovi vice Adelberti Mogontini archiepiscopi. (SI.D.)

Data Argentinę, anno dominicę incarnationis MCXXIII, indictione XIIIma, VIIII. kl. febrvarii.