(C.) In nomine sanctae et individuę trinitatis. Heinricus divina favente clementia quartus Romanorum imperator augustus. Cuncta conspicientis equale meritum credimus fore dantis et corroborantis. Credimus etiam ad regalem nostram maiestatem pertinere tocius regni curas precipueque omnium ęcclesiarum commoda considerare et omnia eis adversantia sub omni festinatione abolere. Bonorum igitur ac religiosorum vir[orum], Rǒtmanni scilicet de Husin, Adelberti de Zolro et Alwici de Sulzo, devotionem perpendentes et piis eorum desideriis benigne assentientes beati Benedicti monasterium, quod in suo predio fundaverunt, in loco scilicet hereditatis proprię, qui vocatur Alpirspach, regia auctoritate nostra munimus, nostro imperiali banno statuentes, ut locus ipse cum omnibus adiacentibus vel a[ppen]diciis sive ad eundem locum pertinentibus villis, terminis, silvis, prediis, mancipiis et quęcunque in futurum Christi fideles ad id[em] cenobium de suo iure obtulerint, firma semper et illabata permaneant. Decernimus etiam, ut nulli mortalium idem cenobium temere perturbare aut eius poss[ess]iones iniuste auferre vel aliquomodo inminuere presumat (!). Abbas sane cum fratribus advocatum sibi, quem utiliorem providerint, instituant. Qui si postmodum gravis et inutilis fratribus fuerit, remoto eo alium sibi preficiant. Nec alius advocatię bannum a rege sive imperatore suscipiat, nisi qui abbate eligente et fratribus petentibus ad tantum officium dignus et idoneus videatur. Ut autem hoc preceptum nostrum stabile et inconvulsum permaneat, hanc inde cartam scribi et sigilli nostri impressione iussimus insigniri. Si quis, quod absit, huius precepti nostri violator extiterit, auri purissimi C libras componat et scriniis imperatoris persolvat. Presentibus et petentibus principibus fidelibusque nostris hoc fecimus, quorum nomina hęc sunt:

Original

Abschriften des 17. Jh.

Nachzeichnung des 12. Jh. und Abschrift des 15. Jh.

Bertolfus Basileensis ęcclesię episcopus, Godefridus palatinus comes, Hugo comes, dux Cuonradus, Fridericus comes, Folmarus comes, Sigefridus burcrauius, Gelfradus thelonearius.

Bertolfus Basileensis ecclesiæ episcopus, Godefridus palatinus comes, Hugo comes, dux Conradus, Fridericus comes, Folmarus comes de Huniburc, Adelbertus comes de Lowinstein, Adelbero comes de Arburc et Hermannus frater eius de Froburc – et ipse comes –, Wilhelmus comes de Luzilinburc, Cǒnradus de Waltchilchan, Rǒm de Ramisstein, Bern de Houiwilr, Berhtoldus de Tanneko, Cǒno de Chunringin, Heinricus de Antirspach, Meriboto de Grifinstein, Rǒdolfus de Windisle, Eberhardus de Hilrspach, Cǒnradus de Horburc, Cǒnradus de Franchoniburc, Heinricus Argentinensis advocatus et patruus eius Sigefridus de Rinaugia, Erleuuinus et frater eius Wecil de Nidirn Ascha, Sigefridus burcrauius, Gelfradus thelonearius.

Bertoldus episcopus ęcclesię Basileensis, Cǒnradus dux de Zaringin, Gotefridus comes palatinus de Calewo, Adelbertus comes de Lewinstein, fratruelis eiusdem Gotefridi palatini, Hugo comes de Tagesburc, Folmarus comes de Huneburc, Willehelmus comes de Lucelenburc, Adelbero comes de Areburc et frater eius Herimannus – et ipse comes –, Chǒnradus de Horeburc, Heinricus de Antirsbach, Rǒdolfus de Windesle, Bern de Houewilr, Chǒno de Chunringin, Chǒnradus de Azenstein, Rǒm de Ascha, Fridericus comes de Saraburc, Eberhardus de Hilrisbach, Meriboto de Grifinstein, Berhtoldus de Tanneiko, Cǒnradus de Franconeburc, Wecil et frater eius Ludewicus de Ascha, Sigefridus burcrauius, Gelfradus thelonearius.

Signum Heinrici quarti Romanorum imperatoris (M.9.) invictissimi.

Philippus cancellarius recognovi vice Adelberti Mogontini archicancellarii. (SI.D.)

Original und Abschrift des 17. Jh.

Nachzeichnung des 12. Jh., Abschrift des 15. Jh. und Abschrift des 17. Jh.

Data Argentinę anno dominicę incarnationis MCXXII, indictione XIII, X. kl. febrvarii.

Data Argentinę anno dominicę incarnationis MCXXIII, indictione I, X. kl. feb., feria III, luna XXIII.