Die Urkunden Heinrichs V. und der Königin Mathilde

Abbildungsverzeichnis der europäischen Kaiser- und Königsurkunden

<<238.>>

Heinrich bestätigt den Einwohnern von Utrecht und Muiden und des Umlandes unter der Voraussetzung ihrer beständigen Treue zur Krone und gegen das eidliche Versprechen der Verteidigung der Reichstreue des Bistums Utrecht ihre alten und ihnen von Bischof Godebald (von Utrecht) beurkundeten Rechte und Gewohnheiten und gewährt allen zur Beteiligung an der Stadtbefestigung verpflichteten Leuten für ihren Handelsverkehr mit der Stadt Zollbefreiung.

Utrecht, 1122 Juni 2.

(C.) In nomine sanctae et individuę trinitatis. Heinricus divina favente clementia quartus Romanorum imperator augustus. Dum fidelium nostrorum utilitati benigne consulimus digneque eorum peticioni acquiescimus, antecessorum nostrorum regum sive imperatorum morem exsequimur et tanto maiorem futurorum nobis nostrisque successoribus benivolentiam spe remunerationis captamus. Notum sit igitur omnibus tam futuris quam presentibus, quod non solum Traiectensibus ac Mudensibus, sed etiam omnibus, qui in illorum ambitu continentur, ius et consuetudinem ac privilegium ab episcopo Godebaldo concessum cognoscimus et sub huius condicionis titulo confirmamus, ut unanimes nostrę insistant fidelitati nostręque dignitati ac coronę detrahentes et adversantes pro possibilitate opprimere studeant, infideles humiliando, sed fideles corroborando. Nolumus autem fideles nostros sacramentum latere, quod in huius cartę donatione nobis inviolabiliter se conservare Traiectenses ac Mutenses coniuraverunt. Est vero hic modus sacramenti, scilicet ut nominatim Traiectensem episcopatum omni exclusa occasione contra omnes mortales in nostra fidelitate nobis retineant. Ut autem huius nostrę condic[i]onis sive confirmationis auctoritas stabilis et inconvulsa permaneat, hanc inde cartam propria manu corroboratam scribi et sigilli nostri i[n]pressione iussimus insigniri. Huic nostrę conf[i]rmationi idoneos adhibuimus testes: Godebaldum Traiectensem episcopum, Conradum Osnabrugensem episcopum, Mengozum sancti Martini prepositum, Herimannum prepositum, Fridericum comitem de Arensberch, Arnoldum comitem de Cleue, Arnoldum de Rod et fratrem eius Ruchervm, Giselbertum, Galonem scultetum; Mutenses quoque: Giselbertus, eodem tempore villicus factus, Waldo, Sigebaldus, Herimannus, Wiltetus; Ierosolimitani: Godesalcvs, Vscherus, Algerus, Petrus, Tanco, Gerardus, Robertus.

Omnes etiam, qui Traiectensem ci[vi]tatem munire debent vallo, ab omnimodo theloneo liberos esse concedimus, quandocumque eandem civitatem causa mercandi adierint.

Signum Heinrici quati Romanorum imperatoris (M.9.) invictissimi. (SI.4.)

Bruno cancellarius recognovi vice archican cellarii.

Data apud Inferius Traiectum, anno dominicę incarnationis MCXXII, indictione XIII, IIII. non. iunii, anno domni Heinrici quarti regni eius XXIII, imperii vero XII.