(C.) In nomine sanctę et individuę trinitatis. Notum facimus omnibus tam posteris quam presentibus, quod ego Heinricus Romanorum imperator augustus audita querimonia fratrum ęcclesiarum sancti Servatii et sanctę Marię, quę sunt Traiecti, de duobus molendinis ad prebendam eorum pertinentibus, quę sola ex antiquo usu et imperiali banno brasium molere debent, in integrum usum illis restituerim et iudicio optimatum meorum et imperiali banno meo hoc confirmaverim, ut nullum in Traiectensi loco molendinum preter hec duo brasium molat, nisi necessitas supercrescentium fluminum aut algoris sive glaciei asperitas hoc fieri compellat, et necdum id fiat nisi voluntate [et] l[icentia i]ll[orum, q]ui molendin[i]s presunt. Inde hanc kartam fier[i i]ussimus et sigillo nostro [et] manu propria insigniri voluimus.

Acta [sunt] aute[m] hec anno dominicę incarnationis millesimo ce[ntesi]mo vigesimo II, ind[ic]tione quintadecima, regnante quarto Heinrico imperatore Romanorum augusto. Huius confirmationis test[es] hii sunt: Fridericus Coloniensis archiepiscopus, Godeboldus Traiectensis, Arnulphus prepositus Aquensis, Bruno cancellarius, Gerardus comes de Gellere, Arnulphus comes de Los, Giselbertus comes de Duraz, Wigerus advocatus sancti Lantberti, Arnulphus et Giselbertus frater eius de Rode; de fratribus: dekanus Anelinvs, Rado, Stephanus, Franco; de burginensibus: Adolphus, Heinricus, [A]lsteinus, Fulquinus. (SI.4.)