(C.) In nomine sanctę et individuę trinitatis. Heinricus divina favente clementia quartus Romanorum imperator augustus. Notum esse volumus omnibus Christi nostrique fidelibus tam futuris quam pręsentibus, quod de octo mansis et aliquot mancipiis in loco Sinceche dicto, quę avia nostra Agnes deo dicata tradidit ecclesię sancti Iohannis in Porceto ad usus monachorum legitima possessione, nos etiam eandem traditionem in curia Aquisgrani celebrata propter quorundam inportunas et iniustas proclamationes iudicio principum confirmavimus et uxori Lodouici de Sencecha et suis hęredibus, quicquid iuris ibidem vel quoquomodo seu quamdiu sibi usurpassent, multis nobilibus terrę presentibus abiudicari fecimus et, ne ulterius absque nostro consilio abbas eiusdem loci nostram elemosinam alicui prestiterit iure hęreditario, imperiali auctoritate sanccivimus. Deinde ut nostra regalis institutio stabilis et inconvulsa permaneat, hanc cartam inde conscriptam manu propria corroborantes sigilli nostri impressione iussimus insigniri. Hęc autem sunt nomina principum, quorum consilio et iudicio hęc sunt discussa et terminata, quę subnotari fecimus: Fredericus Coloniensis archiepiscopus, Godeboldus Traiectensis episcopus, Cunradus Osnaburgensis episcopus, Arnulfus Aquensis prępositus, Hezelo decanus, Heinricus notarius imperatoris, Godefridus dux Louaniensis, Godefridus comes Namucensis, Gerardus comes de Gelre, Arnulfus comes de Los, Willelmus comes de Loceleborch, Lambertus comes de Acuto Monte et Giselbertus comes et Wigerus advocatus, Arnulfus de Elslo, Folcmarus dapifer imperatoris, Euerardus de Haga, Teodericus Aquensis iudex.

Signum domini Heinrici imperatoris Romano(M.)rum quarti invictissimi.

Bruno cancellarius recognovi vice Adelberti archicancellarii.

Anno dominicę incarnationis MCXXII, indictione XV, data est VII. kl. maii Aquisgrani.