1. Original

(C.) In nomine sancte et individue trinitatis. Heinricus divina favente clementia Romanorum imperator quartus. Notum sit omnibus fidelibus nostris, presentibus scilicet et futuris, quod quidam nomine Ǒdalricus vir nobilis de Mærheren tradidit predium suum nomine Chrana patri nostro beatę memorię H. Romanorum imperatori III., quod et nobis hereditario iure collatum super altare sancti Georii in Babenbergensi ęcclesia per interventum Mathildis dilectę coniugis nostrę aliorumque principum nostrorum tradidimus, Ottonis videlicet eiusdem ęcclesię ępiscopi, Hartberti Brandeburgensis ępiscopi, Beringeri comitis, Ottonis palatini comitis. Per hoc autem legale preceptum perenni iure in proprium delegavimus cum omnibus eiusdem predii pertinentibus in quibuscumque villis vel pagis sive comitatibus, idest mobilibus vel inmobilibus, servis, ancillis, areis, edificiis, agris, terris, cultis et incultis, pratis, pascuis, silvis, venationibus, aquis, aquarum decursibus, piscationibus, molendinis, viis et inviis, exitibus et reditibus, quesitis et inquirendis ac cęteris, que quolibet modo vocari possunt, appendiciis et utensilibus, eo tenore, quatinus prefatus venerabilis ępiscopus omnesque sui successores idem predium in perpetuum potestative possideant, teneant et, quicquid eis placuerit, ad utilitatem suę ęcclesię inde faciant, nostra nostrorumque successorum et omnium mortalium contradictione in perpetuum longe remota. Et ut hec nostrę traditionis auctoritas stabilis et inconvulsa permaneat, hanc precepti paginam inde conscriptam manu propria roborantes sigilli nostri inpressione iussimus insigniri.

2. Original (Neuausfertigung)

(C.) In nomine sancte et individue trinitatis. Heinricus divina favente clementia Romanorum imperator quartus. Notum sit omnibus fidelibus nostris, presentibus scilicet et futuris, quod quidam nomine Ǒdalricus vir nobilis de Mærheren tradidit predium suum nomine Chrana patri nostro beatę memorię H. Romanorum imperatori III., quod et nobis hereditario iure collatum ad altare sancti Petri apostoli in Babenbergensi ęcclesia per interventum Mathildis dilectę coniugis nostrę aliorumque coniugis nostrę aliorumque principum nostrorum tradidimus, Ottonis videlicet eiusdem ęcclesię episcopi, Adelberti Mogontini archiepiscopi, Friderici Coloniensis, Chǒnradi Salzburgensis, Rutkeri Magdeburgensis, Heinrici ducis Bawariorum, Livtharii ducis Saxonum, Ottonis palatini comitis, Beringarii comitis. Per hoc autem legale preceptum perenni iure in proprium delegavimus cum omnibus eiusdem predii pertinentibus in quibuscumque villis vel pagis sive comitatibus, idest mobilibus vel immobilibus, servis, ancillis, areis, ędificiis, agris, terris, cultis et incultis, pratis, pascuis, silvis, venationibus, aquis, aquarum decursibus, piscationibus, molendinis, viis et inviis, exitibus et reditibus, quęsitis et inquirendis ac cęteris, quę quolibet modo vocari possunt, appendiciis et utensilibus, eo tenore, quatinus prefatus venerabilis episcopus omnesque sui successores idem predium in perpetuum potestative possideant, teneant et, quicquid eis placuerit, ad utilitatem suę ęcclesię inde faciant, nostra nostrorumque successorum et omnium mortalium contradictione in perpetuum longe remota. Et ut hęc nostre traditionis auctoritas stabilis et inconvulsa permaneat, hanc precepti paginam inde conscriptam manu propria roborantes sigilli nostri impressione iussimus insigniri.

Signum domni Heinrici (M.) imperatoris invictissimi.

Bruno cancellarius vice Adalberti archicancellarii recognovi. (SI.4.) (SMP.)

Anno dominice incarnationis MCXXII, indictione XV, anno vero domni Heinrici imperatoris XI; actum Wirceburch.

Signum domni Heinrici (M.) imperatoris invictissimi.

Bruno cancellarius vice Adalberti archicancellarii recognovi. (SI.4.)