(C.) In nomine sanctę et individuę trinitatis. Heinricus divina favente clementia quartus Romanorum imperator augustus. Si ecclesias deo dicatas amplificare et sublimare intendimus, antecessorum nostrorum regum ac imperatorum morem exequimur et tranquilliori statu cursum presentis vitę peragere poterimus. Omnibus igitur Christi nostrique fidelibus tam presentibus quam futuris notum esse volumus, qualiter nos pro remedio animę nostrę et beatę memorię patris nostri et pro fideli servitio Ottonis sanctę Babenbergensis ęcclesię episcopi abbatiam nomine Vicinpǒrch iuxta fluvium Unstrǒt sitam ad altare sancti Petri Babenbergensis ęcclesię regia liberalitate contradidimus. Hoc autem fecimus cum omnibus mobilibus et immobilibus ad predictum locum pertinentibus, servis et ancillis, areis, ędificiis, terris, cultis et incultis, pratis, pascuis, silvis, venationibus, aquis aquarumve decursibus, molendinis, viis et inviis, exitibus et reditibus, quesitis et acquirendis. Huic autem nostrę traditioni hos adhibuimus testes: Heinricum ducem Bauuariorum, Lǒipoldum marchionem, Deibaldum marchionem, Engilbertum marchionem, Beringarium comitem, Adalbertum comitem, Ottonem Ratisponensem comitem, Ottonem palatinum comitem, Fridiricum advocatum.

Et ut hec traditio nostra stabilis et inconvulsa omni permaneat ęvo, hanc inde precepti nostri paginam scribi et sigilli nostri inpressione iussimus insigniri.

Signum Heinrici quarti Romanorum imperatoris (M.9.) invictissimi. (SI.4.)

Brǒno cancellarius recognovi vice archicancellarii Adalberti.

Data Ratispone MCXXI. dominicę incarnationis anno, indictione XIIIma, octava kl. aprilis, in annunt(iatione) dominica.