(C.) In nomine sanctæ et individuæ trinitatis. Henricus divina favente clemencia quartus Romanorum imperator augustus. Omnium sanctæ dei æcclesiæ nostrorumque fidelium noverit universitas populum Ferrariensem per legatos suos infra designatos nostræ clemenciæ supplicasse, ut æcclesiæ sancti Georgii martyris, hoc est ipsorum episcopatui, pro Christi amore et ipsius populi fidelitate concederemus et auctoritate nostra confirmaremus ea, quecumque vel a Romana [ecclesia] vel a nostris predecessoribus reg[ni] Ro[manorum] principibus eidem largita sunt æcclesiæ. Qua supplicacione permoti nostrique cancellarii Burchardi, Monasteriensis episcopi, necnon cæterorum principum nostrorum suggestione summoniti concedimus et corroboramus in vos, hoc est Azonem videlicet Sichelmum, Bonum Uicinum notarium, et per vos [in] iamdictam æcclesiam et episcopum Landulfum eiusque successores ea omnia, quæ prefata æcclesia Romana vel anteriores principes eidem æcclesiæ contulerunt, ea scilicet lege, ne quisquam hominum aliquid molestare sive iniuriare super isdem rebus vel aliis iam nunc ei quesitis vel in futurum querendis prefatæ inferat æcclesiæ. Quodsi quis contrafecerit, centum libras auri nomine pene componat, medietatem quidem nostris scriniis, medietatem vero supradictæ æcclesiæ. Ut autem hæc omnia cunctis fiant cerciora, sigilli nostri iussimus hanc paginam impressione signari.

Signum domni Henrici quarti Romanorum imperatoris invictissimi. (M.9.)

Bvrchardus æpiscopus Monasteriensis et cancellarius recognovit.

Data [ ] indictione X, anno dominicæ incarnationis millesimo CXVII, regnante Henrico quinto rege Romanorum anno X, imperante sexto; actum apud sanctum Martinum in Strata; in Christo feliciter amen.