Die Urkunden Heinrichs V. und der Königin Mathilde

Abbildungsverzeichnis der europäischen Kaiser- und Königsurkunden

<<†18.>>

Unecht.

Heinrich restituiert dem Kloster St. Maximin in der Vorstadt von Trier die Güter in und bei Metz, zu Weiler (Villers-l’Orme) und die Kirche zu Usselskirch, die Hessi und Adelberd, ein Ministeriale des Bischofs von Metz, bisher unrechtmäßig besaßen, sowie das, was Wilhelm de Scura (Schauren?) sich seit 2 Jahren zu Lausdorn, und Gerhard, der Bruder des Grafen Heinrich, sich jenseits des Rheins zu Laubuseschbach angeeignet hatten.

Metz, 1107 Mai 25.

(C.) In nomine sanctę et individuę trinitatis. Heinricus divina favente clęmentia quintus Romanorum rex. Si locis divino cultui mancipatis, quibus beneficia non conferimus, saltem ab aliis Christi fidelibus quondam tradita et postmodum per violentiam malignorum hominum iniuste subtracta restituerimus, divinitus nos procul dubio remunerari confidimus. Quapropter fidelium nostrorum tam p[re]sentium scilicet quam futurorum magnitudo comperiat, qualiter nos ob amorem dei et ob interventum fidelium nostrorum, domni videlicet Brunonis Treuirensis archiepiscopi et Burchardi Mon[aste]riensis, Adalberonis Metensis, Ottonis Babenbergensis, Eberhardi Eihstatensis, Brunonis Spirensis, venerabilium episcoporum, Willihelmi comitis, Berhdolfi ducis, Godefridi, Herimanni, Wigberdi, Friderici, comitum, aliorumque fidelium nostrorum, et ob crebram et importunam Berngozi abbatis querimoniam reddidimus cęnobitis sancti Iohannis ewangeliste sanctique Maximini, qui in suburbio Treuirorum corporaliter quiescit, quicquid in civitate Metensi vel circumcirca infra vel extra sive in curte, quę vocatur Wilere, in domibus et areolis, agris et vineis, sive in ęcclesia, quę vocatur Luzelenkircha, quidam Hessi et Adelberdus serviens Metensis episcopi hactenus iniuste possederant, necnon quod Willihelmus quidam de Scura in Liutardesdarra iam per duos annos iniuste sibi aduncaverat, sive quod ultra Renum fluvium in loco, qui vocatur Æscabah, Gerhardus quidam frater Heinrici comitis diu iam iniuste sibi usurpaverat, haec igitur omnia prefato abbati suisque fratribus propter amorem dei tali modo et ea conditione reddimus, firmamus et in ęternum deo auctore stabilimus, ut nullus successorum nostrorum regum vel imperatorum nullus abbas, nullus comes, nulla persona magna vel parva de p[re]fatis rebus alicui quicquam beneficiare presumat, sed liceat iamdicto abbati suisque successoribus inde ulterius agere, quod ad utilitatem ipsius monasterii ac fratrum utilius videatur. Et ut hęc nostrę auctoritatis preceptio pleniorem in dei nomine habeat firmitatem, cartam hanc inde conscribi et, ut infra apparet, sigilli nostri impressione iussimus insigniri. (SI.D.)

Signum domni Heinrici quinti (M.) Romanorum regis invictissimi.

Adalberdus cancellarius vice Ruothardi archicancellarii recognovi.

Data VIII. kl. iun., anno incarnationis domini MCVIIo, indictione XV, anno regni domni Heinrici quinti regis VIIIIo; actum in Mettis civitate; in dei nomine amen.