(SN.) Anno ab incarnatione domini millesimo C. sesto X, duo X. die ingredientæ mensæ mad., inditione nona. Sancto monasterio iusta Larionem in onorem sancti Benedicti consecrato, cui Ubertus prior adæssæ videtur. Ego quidem in dei nomine Henricus quartus dei gratia Romanorum imperator augustus dono et offero ęidem monasterio ad eius ius et proprietatem scilicet silva una, que nominatur de Solamme, et una partæ iusta eam, que dicitur silva de Carpeneta; finesque sunt ei: a mane sancti Benedicti, ab aliis lateribus, sicut vadit stradam de Uurlo, sicut vadunt campi de Sergnano et Argenem, sicut vadit Regisa, que exit de Solame et intrat in Petrosam et intrat in vallem Pudiosam et intrat in vallem Bertaldi et intrat in vallem Lameleda et intrat in Risisam de Nido Aquile et a Risisa in Riolum, ut iamdictum monasterium ab hac die inantea faciant proprietari (!) iiure (!) in usum et sumptum monachorum, qui in eadem æcclesia militant et qui militaturi sunt, usque in perpetuum, quicquid voluerint, sine omni mea et heredum meorum contraditione. Quisquis in sanctis hac in venerabilibus locis ex suis aliquid contulerit rebus, iuxta auctoris vocem in hoc seculo centuplum accipiet et insuper, quod melius est, vitam possidebit eternam. – Ideoque ego suprascriptus imperator similiter dono et offero æcclesiæ sancti Benedicti do (!) Gonzaga braida una iuris mei posita in eodem loco Gonziacha cum casa camparii super eam habente et hoc, quod tenet ex mea parte; finesque sunt ei: a mane tenet Milo – filii: Adam, Gunbo –, a meridie Petrus Cottus, a sera tenet Rotecherius de Gonziaga, de subto Albricus Cocus. Hoc, quod in hos fines inventum fuerit, in hanc car(tulam) permaneat, ut iamdictæ æcclæsiæ faciant cum superioribus et inferioribus, cum finibus et accæssionibus suarum in integrum, quicquid voluerint, proprietari (!) iure sine omni mea et heredum meorum contraditione, pro mercæde et remedio animæ mææ et comitissæ Matildis. Et insuper comprehensum est ab omni contradicentæ homine defenderæ, et si defendere non potuerimus aut si vobis exinde aliquid per quodlibet ingenium subtraere quesierimus, tunc in duplum suprascriptas res, ut supra legitur, eidem æcclesiæ restituere, sicut pro tempore fuerint meliorate aut valuerint sub exstimatione in consimilibus locis. Actum in loco Gubernule; feliciter.

Huius cartule offersionis fuerunt testes: Conradus comes et Albertus comes de Saploneta, Ardoinus de Palude, Arnaldus Aquensis prepositus, Uuarnerius iudex et Ubaldus iudex, Amedeus, Oppizo de Gonciaga, Gerardus et Rolandus, massarii, atque Paganus, Ugo et Lodoicus de Gubernule et plures alii.

+.R.

Ego Wernerius iudex affui et subscripsi.

(+) Ego Vbaldus iudex interfui et subscripsi.

(SN.) Ego Dominicus sacri palacii notarius scripsi et subscribendo complevi ex iussione suprascripti imperatoris.