In nomine sanete et individue trinitatis. Henricus divina favente clementia quartus Romanorum imperator augustus. Erumpnosę huius vitę discrimina considerare oportet, dum sumus in via, quatenus amissis temporalibus commodis vita comite non privemur ęternis. Sępissime dum his utimur ab improvisa morte rapimur et tunc hactenus vagando sero cupimus quęrere, quod obstantibus culpis non meremur accipere. Ac per hoc ob peccatorum nostrorum remissionem et interventum Arnaldi nostri dilecti capellanarii et Aquensis prępositi necnon Hugonis abbatis sancti Appollonii ecclesiam eiusdem sancti Appollonii Canusię sitam nos sub nostri mundiburdii tutela omnium nostrorum fidelium pręsentium et futurorum noverit universitas suscepisse cum rebus et familiis utriusque sexus, quas nunc detinere dinoscitur vel in futurum acquirere potest, videlicet partem castri Canusii, quę est sub monasterio et capella sancti Martini, cum omnibus suis appendentiis; in Antino mansum I, in Surdilio mansos II, in Siciano mansos II, in Signano mansum I, in Petregnano mansum I; in Casola mansos II cum capella sancte Eufemię cum omni suo iure; in Pulianello mansos III et domnicatum, in Aliano II, in Arceto II, in Marmoriolo II et in Facutiola I, in Fontana II, in Panzano V, in Budrione III, in Quingente III, in fossa Scismondi II, in Campigine I; in Riuarolo sortes II et capellam sancti Faustini cum omnibus suis pertinentiis; in Bibianello et Corniano II et domnicatum, in Bibianello IIIIor; in Plazola capellam sancte Eufemię cum omni suo iure et mansos II; in Fano capellam sancti Georgii cum decima et omnibus suis rebus; in Cauiliano mansos II, in Cilliano III, in Bursellia III, in Sadugnano II, in Ronculo mortitiam I, in Monte Mauri mansum I, in Betongna I, in valle Siluarani III, in Ceretulo II, in Baraconi domnicatum I, in Planzoni III, in Cassina I, in Lisignolo I, in Roncoueteri I, in Burano II; in Grasono capella sancti Prosperi cum decima et omni suo iure et domnicatum; in Casalino mansum I; terram familię de Canossa et decimam de domnicatu Bibianelli, decimam braidę sancti Petri de Cauiliano, quę fuit domnicatum, Canossę, Paterni, Cargnoni et Pantani; in Riuarbula mansum I et in Caprilę sortem I, in castello Rignani mansum I, in Siuiciano I, in Vignale II, in Bagniano III, in Casullo II, in Mauregnano precarias II, in Rorano II, in Scurano II; et quicquid eadem ecclesia Canusię habet ultra flumen Entię et quicquid habet ultra flumen Situlę; et quicquid in Monticulo possidet cum una capella; et domnicatum Quarantulę cum oliveto, et curte de Colognola cum duabus capellis et omnibus mansis ad eandem curtem pertinentibus; et monasterium sancti Michaelis de Monte cum omnibus rebus quę possidet; et hospitale sancti Laurentii in loco castri situm cum omnibus suis pertinentiis; in Liuizano mansum I, in Valle I, in Caprignano I, in Rosina I, in Vrsignano I; et castrum Sarzani cum capella et omnibus suis pertinentiis; castellum Feline cum duabus capellis, curte et cum omnibus pertinentiis; et Castellum Novum et curte Cagnolę et capellam sancti Prosperi cum omnibus suis pertinentiis; et XII mansos, quos pręfata ecclesia Canusina iubente comitissa Matildi beatę memorię per placitum recuperavit a filiis Landoixii: tres in Piagniolo et I in Gauassolo et II in Vigullo et I in Tallata et III in Vagine et I de Roppo et I de Vigullo; et quicquid pręnominata ecclesia habuit per iudicium Cononis in Bazalano: mansum I in Budrio filii Petri de Gomola dederunt prędictę ecclesię pro iudicio eiusdem Cononis; et quicquid supranominata ecclesia possidet in Bagnolo et in Gurgo; et capellam sancte Cęcilię sitam in suburbio Bononiensis civitatis; et quicquid supradicta ecclesia usque nunc acquisivit vel acquisitura est. Pręcipimus itaque, ut nullus episcopus, nullus comes, marchio, vicecomes, scultatius, gastaldio vel aliqua regni nostri magna sive parva persona de prędictis bonis pręnominatam ecclesiam deinceps audeat molestare, inquietare vel devestire. Si quis vero, quod absit, aliquo temerario ausu contra hoc pręceptum aliquid facere temptaverit, auri libras mille componat, medietatem camerę nostrę et medietatem supralibatę ecclesię vel abbati, qui tunc temporis ibi pręsens fuerit. Et ut hoc verius credatur et ab omnibus ratum et inviolabiliter permaneat, hanc cartam inde factam et manu propria corroboratam impressione nostri sigilli, ut apparet inferius, iussimus insigniri.

Signum domni Henrici quarti Romanorum imperatoris invictissimi. (M.9.) (SMP.)

Burcardus cancellarius et Monasteriensis episcopus recognovit.

Data XV. kl. maii, inditione VIIII, anno dominicę incarnationis millesimo CXVI, regnante Henrico quarto rege Romanorum anno X, imperante V; actum est Canusii; in Christo feliciter.