(SN.) Dum in dei nomine in urbe Pataui in iudicio resideret donus Henricus dei gracia Romanorum inperator augustus a singulorum hominum iusticiam faciendam deliberandasque lites, adeset cum eo Gebirdus Tridentinus episcopus, Brugardus Monasteriensis, Arpo Feltrensis, episcopi, Henricus dux et item Henricus frater Welfoni ducis, Teuzo, Warnerius, Aicardus, Azo, Oluradus, Taruisius, iudices, Roberto Lonbardo et reliqui plures, ibique in eorum veniens presentia Albertus abbas monasterii sancti Michaelis scitum in loco Candiana retulit et cepit dicere ac postulare mercedem: “Peto vobis, domine inper[at]or, ut propter deum et anime vestre mercedem mitatis banum super me et ipsum monasterium et omnes res eius”. Cum ipse iamdictus abbas taliter petisset mercedem, tunc ibi locum (!) consilium, qui ibi fuerant, misit bannum super predictum Albertum abbatem et eius advocatum et super ipsum monasterium et super omnes res eiusdem monasterii, cas[as], curtes, villas, masaricias et terras, prata et silvas, molendina et piscacione (!), venac(iones) ac familiam et mobiliam sive etiam instrumenta, que tunc abebat et detinebat aut inantea iuste aquirere potuerit, in pena centum libras auri, ut nullus quislibet homo inquietare aut molestare vel disvestire eundem Albertum abbatem et ipsum monasterium vel partem eius vel eorum advocatum ex rebus supradictis sine legali iudicio. Qui vero hoc fecerit, siat se compositurum centum predictas auri libras, medietatem parti publice et medietatem suprascripto Alberto abbat(i) et ipsi monasterio et avocato eorum suisque succesoribus. Finita est causa et hanc noticiam pro suprascripti Alb[erti abbat]is et monasteri securitate fieri amonuerunt. Quidem et ego Iohannes notarius ex iusione suprascripti domini inperatoris seu iudicum amonucione scripsi. Actum est hoc anno ab incarnacionis domini nostri Iesu Christi millesimo C sesto X, XI. kl. aprelis, indicione nona.
Hoc + signum crucis fecit domnus Henricus dei gracia inperator augustus.
(S.) Ego Teuzo iudex interfui.
Ego Wernerius iudex affui et subscripsi.
Ego Azo iudex interfui et subscripsi.
Ego Taruisius iudex interfui, subscripsi.
Olueradus iudex subscripsi.