Die (es fehlt am Anfang das Dum in dei nomine) lune, que [est] XIII. kal. aprilis, in civitate Patauina, in palatio episcopali, in camera, dei gratia Henricus quintus Romanorum imperator augustus in [con]silio resideret, adesset [cum eo] Tevtius, Rambaldus Veronensis, Azo, Triuisanus, iudices, patriarcha dei gratia Gradensis, Burgardus dei gratia cancellarius et episcopus, Gebardus dei gratia Tridentinus episcopus, Appollonius dei gratia Feltrensis episcopus, Ioannes dei gratia Cap[r]ulensis episcopus, Steffanus Moresino, Petrus Contareno, Dominicus Faletro, Steffanus Trotto, Octo de Padua, Alberto de Mart[oringo], Alberto Veronense, Vgo Patauinus, Oldericus de Piano, comites, Henricus Carentane totiusque Marcie dux, Lampretius comes, Robertus de Martinengo, Vascello de Monte Maria et reliqui plures nobiles [.....], domnus imperator, iustitie pacisque amator ac omnium ecclesiarum defensor, misericordia motus, pro sanctorum Felicis et Fortunati et Stephani honore et pro Dominici B[....] suorumque fideli[um] amore, per iudicum et per lignum, quod in sua tenebat manu, imperiale [bannum] misit super Dominicum Basenum, advocatum sancti Steffani et Felicis, et super omnia bona eiusdem Dominici Bagiensis, que nunc habet in toto Romano imperio vel que legitime acquisiverit, et super omnia bona predicti monasterii, que nunc habet in Istria, in Al[t]ino, in comitatu Triuisensi, in villa Pupillari, in portu Triuisensi, in Carponeta, in tota villa sancti Quirini, in Casal, in Cilguraro, in palgio dicti Ronchi Menane, et in omnia, que in [....] Octonis imperatoris contine[n]tur vel que legitime predictum monasterium acquisiverit, ut nullus patriarcha, archiepiscopus, episcopus, dux, marchio, comes, vicecomes, advocatus, vicedominus, gastaldio, villicus, decanus vel aliqua magna parvaque persona predictum Dominicum Bagnensinum suosque heredes et abbatem dei gratia Factum suosque successores sine legali iuditio deinvestire aut inquietare audeat. Quisquis hoc presumpserit [et hoc decretum] fregerit, sciat se compositurum [auri] libras centum, medietatem imperatoris camere et medietatem Dominico suisque heredibus et abbati suprascripti monasterii sanctorum Felicis et Fortunati et Steffani et suis successoribus. Factum est hoc anno ab incarnatione domini nostri Iesu Christi MCXVI, indictione [VIIII].

Ego Ve[r]nerius iudex affui.

Ego Adam iudex subscripsi.

Ego Azo iudex subscripsi.

Ego Rambaldus iudex interfui et subscripsi.

Ego Vbertus d(omni) Henrici imperatoris iudex interfui ex [eiusdem imperatoris iussu hanc notitiam] scripsi.