(C.) In nomine sanctae et individuae trinitatis. Heinricus divina favente clementia rex. Si ęcclesiarum dei scripta confirmare atque nostra regali auctoritate corroborare studuerimus, ad nostræ animæ remedium proficere minime dubitamus. Quocirca omnium dei æcclesiarum presentium scilicet ac futurorum fidelium sollers noscat industria, qualiter pro remedio animæ nostræ et ob interventum fidelium nostrorum Bǒrchardi scilicet domni imperatoris æcgregii cancellarii ac nobilis Gebardi Tridentini æpiscopi necnon ducis nostri Heinrici et avocati Geraldi aliorumque adstancium f[idelium] nostrorum cuidam monasterio gloriosę dei genitricis virginis Marię in loco, qui Mulianas dicitur, s[it]o omnia bona, quę Rozo quondam Taruisiensis episcopus illuc tradidit, eidem æcclesiæ nostra imperiali auctoritate damus, concedimus et confirmamus. Preterea omnia, quæ modo habet vel inantea predictum monasterium sanctæ Marie iuste ac legaliter acquisiturum erit, scicet (!) in campis, in pratis, in pascuis, in silvis, in aquis aquarumque decursibus, in piscationibus, in molendinis et in omnibus terris cultis et incultis, cum omni usu, qui aliquo modo ex his provenire poterit, insuper et ęcclesias et scripta predicti monasterii sanctę dei genitricis Mariæ, quę modo habet vel in futuro legaliter acquisierit, imperiali nostra concessione prefato monasterio damus et corroboramus, omnium hominum contradictione remota. Precipientes vero iubemus, ut nullus archiepiscopus, episcopus, dux, marchio, comes, vicecomes nec aliqua magna vel parva nostri regni persona hoc infringere presumat aut ullo modo inquietare. Si quis autem istius imperialis iussionis violator extiterit, sciat se compositurum mille libras auri optimi, medietatem kamerę nostrę et medietatem predicto monasterio sanctæ dei genitricis virginis Mariæ. Quod ut verius credatur et diligentius ab omnibus observetur, hanc cartam inde conscriptam manu propria corroborantes sigilli nostri inpressione iussimus insigniri.

Signum domni Heinrici quinti imperatoris.

Burcardus cancellarius corroboravi. (SI.D.) (M.)

Data [q]uinto idvs marcii, anno dominicæ incarnationis MC sexto X, indictione VIIII, anno autem ordinationis domni Heinrici V. regis X, regni vero []; actum in Venecia; in dei nomine amen.