Die Urkunden Heinrichs V.: 155. Treviso – 1116 (erste Hälfte März)

Abbildungsverzeichnis der europäischen Kaiser- und Königsurkunden

Heinrich nimmt die Brüder Ansedisius und Wido, Söhne des Grafen Rainbald von Treviso, unter Vergebung dessen, was ihr Vater und sie sich gegen Kaiser Heinrich (IV.) und ihn hatten zuschulden kommen lassen, wieder in seine Gnade auf, verzichtet auf die gegen sie angestrengte Klage und restituiert und bestätigt ihnen die unter kaiserlichen Bann genommenen väterlichen Besitzungen.

Treviso – 1116 (erste Hälfte März).

In nomine sanctę et individuę trinitatis. Henricus divina favente clementia quartus Romanorum imperator augustus. Omnibus Christi nostrique fidelibus tam futuris quam pręsentibus notum fieri volumus, qualiter nos ob interventu dilectę contectalis nostrę Mathildis reginę et aliorum principum nostrorum, episcoporum: Geueardi Tridentini episcopi, Gumboldi Taruisiensis episcopi, Turingi Vicentini episcopi, Rainaldi Belumnensis episcopi, Arponis Feltrensis episcopi, ducum quoque: Henrici ducis de Carinthia, Henrici fratris Welfonis ducis, necnon et comitum: Henrici comitis, Alberti comitis de Verona, Ansedisio et Widoni fratribus, filiis Rainbaldi Taruisiensis comitis, gratiam nostram reddidimus et, quicquid pater eorum vel ipsi erga patrem nostrum beatę memorię imperatorem Henricum vel erga nos deliquerunt, eis condonavimus et omnem querimoniam, quam super eos usque nunc habuimus, eis remisimus. Insuper omnia bona, quę pater eorum, dum vixit, habuit et tenuit, quę etiam sub banno nostro posita vel aliquo modo deventa fuerunt, per hoc nostrum pręceptum reddidimus et eis tenendum, possidendum et, quicquid deinceps inde voluerint, faciendum concessimus cum omnibus appenditiis sive pertinentiis suis, castris, turribus, villis, ecclesiis et utriusque sexus familię (!), terris, massaritiis, silvis, venationibus, pratis, pascuis, aquis, piscationibus, acquisitis et acquirendis, cum omnibus etiam finibus et terminis eorum et cum omni utilitate, quę inde ulterius exire vel pervenire poterit. Pręcipimus itaque, ut nullus episcopus, dux, marchio, comes, vicecomes, sculdasius, gastaldio aut aliqua regni nostri magna sive parva persona predictos fratres de predictis bonis audeat molestare, inquietare vel disvestire. Si quis vero, quod absit, aliquo temerario ausu huius nostri pręcepti paginam violare temptaverit, auri libras centum componat, medietatem camerę nostrę et medietatem supradictis fratribus vel eorum heredibus. Et ut hoc verius credatur et ab omnibus inviolabiliter omni tempore observetur, hoc scriptum inde factum et manu propria corroboratum impressione nostri sigilli iussimus insigniri.

Signum domni Henrici (M.9.) quarti Romanorum imperatoris invictissimi.

Burchardus cancellarius et Monasteriensis episcopus recognovit.

Data, indictione VIIII, anno dominicę incarnationis millesimo CXVI, regnante Henrico quinto rege Romanorum anno X, imperante V; actum est Taruisii; in Christo feliciter amen.