(C.) In nomine sanctae et individuae trinitati (!). Heinricus divina favente clementia quartus Romanorum imperator augustus. Omnibus Christi nostrique fidelibus tam futuris quam presentibus notum fieri volumus, qualiter nos pro fideli servicio Herimani Augustensis episcopi, quod nobis fecit, et pro fidelitate etiam, quam patri nostro, dum vixit, servavit et nobis semper servare intendit, abbatiam quandam nomine Bvron ita libere, sicut usque huc in nostra potestate eam tenuimus, ad altare sanctę Marię in Augusta civitate donavimus, ea videlicet conditione, ut deinceps idem prefatus episcopus eiusque successores eam ad suos usus habeant cum omnibus appendiciis suis, videlicet advocatione, villis, mancipiis, pratis, pascuis, silvis, venationibus, aquis aquarumque decursibus, molis, molendinis, viis et inviis, exitibus et reditibus, cum omni utilitate, quę inde ulterius exire potest. Precipimus itaque, ut nulla persona magna sive parva predictum episcopum suosque successores de predictis bonis audeat inquietare, molestare vel disvestire. Si quis vero huius nostri decreti (ergänze paginam), quod absit, aliquo temerario ausu contraire temptaverit, auri libras centum componat, medietatem camerę nostrę, medietatem supradicto episcopo suisque successoribus. Et ut hoc ab omnibus verum esse credatur et omni evo inviolatum permaneat, hanc cartam inde conscriptam et manu propria corroboratam impressione nostri sigilli insigniri iussimus. Hec enim traditio facta est presentibus episcopis, Bvrchardo Monasteriensi episcopo, Ǒdelrico Eistetensi episcopo, Mazoni Verdensi episcopo, necnon duce Welfone, Tietbaldo marchione, Heinrico comite, Godefrido palatino comite et advocato supradictę ęcclesię Warnehario.

Signum domni Heinrici quarti Romanorum (M.9.) impratoris (!) invictissimi.

Bruno cancellarius recognovit. (SI.D.)

Data XVI. kl. mar., indictione VIIII, anno dominicę incarnationis millesimo CXVI, regnante Heinrico quinto rege Romanorum anno X, imperante V; actum est Augustę; in Christo feliciter amen.