Die Urkunden Heinrichs V. und der Königin Mathilde

Abbildungsverzeichnis der europäischen Kaiser- und Königsurkunden

<<150.>>

Heinrich restituiert dem Kloster St. Maximin (bei Trier) auf die häufigen Bitten des Abtes Berengoz hin den seit einigen Jahren von dem damaligen Kanzler und jetzigen Erzbischof von Mainz Adalbert dem Abt unrechtmäßig entfremdeten Vasall Anshelm von Molsberg mit seinen Lehen zu (Nieder-)Brechen und Selters; um auf die Dienste Anshelms nicht verzichten zu müssen, belehnt er diesen und dessen Sohn Heinrich mit seinem vom Pfalzgrafen Heremann geerbten Hof zu Bettendorf mit allem Zubehör.

Speyer, 1118 (Beurkundung) Januar 2.

(C.) In nomine sanctæ et individuæ trinitatis. Heinricus divina favente clementia quartus Romanorum imperator augustus. Si fidelibus nostris non solum de nostro conferimus, sed etiam ab aliis tradita confirmaverimus, divinitus nos inde remunerari non diffidimus. Quapropter fidelibus nostris tam presentibus quam futuris notum esse volumus, qualiter fidelis noster Berengozvs abbas sancti Maximini serenitati nostrę conquestus est sepius, qualiter homo suus Anshelmus de Mollesberch a domno Adelberto, tunc quidem cancellario, nunc autem Mogontinę sedis archiepiscopo, cum beneficio suo, quod est Brichina et Seltris, aliquot annis iam iniuste sibi fuerit ablatus, rogans, ut respectu mercedis ęternę eundem militem suum cum prefato beneficio suo beato Maximino integre restitueremus et restitutum imperiali nostra auctoritate confirmaremus. Cuius racionabili petitioni ab amorem dei et reverentiam beati Maximini per interventum fidelium nostrorum, Friderici Coloniensis et Brunonis Treuirensis archiepiscoporum, sed et Ottonis Babergensis (!), Heremanni Augustensis, R dolfi Basiliensis et Brunonis Spirensis venerabilium episcoporum necnon Friderici ducis et Thietpaldi marchionis, Godefridi etiam et Berengeri, sed et Ludevvici et Wigberti comitum aliorumque fidelium nostrorum assensum prebentes prefatum Anshelmum cum predicto beneficio suo Brichina scilicet et Seltris, quod Anshelmus, avus illius, a Poppone abbate per precariam sibi suisque acquisivit heredibus, beato Maximino ac predicto abbati suisque successoribus ea ratione recognoscendo reddimus et reddendo confirmamus, ut sepedictus Anshelmus et filius eius Heinricus beneficium idem ab eiusdem loci abbatibus amodo pacifice et quiete possideant et beneficiario ab eis iure deserviant. Si autem ipsi sine heredibus defuncti fuerint, tunc eadem bona beato Maximino libere et integerrime redeant et ad utilitatem monasterii et ad usus monachorum deinceps rata et inconvulsa permaneant. Sed quia nos devoto eiusdem fidelis nostri Anshelmi servitio carere nolumus, idcirco fidelium nostrorum tam presentium quam futurorum sollertię notum esse cupimus, qualiter curtem nostram Bettendorf a cognato nostro Heremanno palatino comite ad nos hereditario iure transfusam cum omnibus ad eam iuste ac legaliter pertinentibus predicto fideli nostro Anshelmo in beneficium condonamus et condonando firmamus, ut ipse et filius eius pro his parvis eo studiosius nobis servire studeant, quo adhuc maiora de nobis se percepturos esse non desperant. Et ut hęc utraque largitio tam sibi quam abbati suisque successoribus stabilis semper et inconcussa permaneat, cartam hanc inde conscribi fecimus, quam propria manu subter firmatam sigilli nostri impressione insigniri iussimus.

Signum domni Heinrici quarti Romanorum (M.) imperatoris invictissimi. (SMP.)

Bruno cancellarius ad vicem domni Adelberti archicancellarii recognovi. (SI.3.)

Data IIIIa non. ianuar., anno dominicę incarnationis MCXVIIIo, indictione XIa, anno regni domni Heinrici XVIIIo, imperii vero VIIo; actum Spirę; in dei nomine feliciter amen.