Die Urkunden Heinrichs V.: 143. Worms, 1115 Juni 3

Abbildungsverzeichnis der europäischen Kaiser- und Königsurkunden

Heinrich bestätigt den Cremonesen erneut den Besitz der communia beiderseits des Po zwischen der Adda-Mündung und Wlperula, den herkömmlichen freien Schiffshandel (auf dem Po) zwischen dem Meer und Pavia sowie sicheren Verkehr im Königreich Italien, gewährt ihnen die Verlegung seiner Pfalz vor die Stadtmauern und bestätigt ihnen die guten alten Gewohnheiten und alle Verleihungen seiner Vorgänger.

Worms, 1115 Juni 3.

(C.) In nomine sanctae et individuae trinitatis. Heinricus divina favente clementia quartus Romanorum imperator augustus. Quemadmodum ab inimicorum infestatione nullatenus est cessandum, sic fidelium et amicorum voluntati est condescendendum eorumque dignę petitioni diligenter satisfaciendum. Quapropter omnibus Christi nostrique fidelibus tam futuris quam presentibus notum fieri volumus, qualiter rogatu et petitione fidelium nostrorum Cremonensium pro fidelissimo servicio eorum, quecumque quondam nostri privilegii auctoritate eis concessimus, eadem nunc pro bonę fidei eorum perseverentia (!) renovamus renovantesque in posterum confirmamus, videlicet ea, quę suę locutionis proprietate communia vocant, tam quę in presenti habent quam ea, quę in futuro sunt habituri, a bucca Adde usque ad Wlperula ex utraque Padi fluminis parte, et ut a mari usque Papiam secure ac libere nemine eis quicquam molestię inferente eundi et redeundi et mercardi (!) secundum usum et antiquam consuetudinem eorum cum navibus suis facultatem habeant, et per totum regnum nostrum Italię secure vadant; concessimus etiam eis, ut extra muros civitatis eorum deinceps palatium et hospicium nostrum habeamus; et bonos usus eorum et omnia, quę ex fęlicis memorię predecessorum nostrorum regum sive imperatorum concessum obtinuerunt, confirmamus. Si quis vero episcopus, dux, marchio, comes, vicecomes, gastaldio, advocatus, scultatius contra huius nostri precepti paginam ire temptaverit, auri mille mancosos componat, medietatem camerę nostrę, medietatem ei, qui dampnum vel iniuriam passus est. Et ut hoc verius credatur et omni ęvo inviolabiter conservetur, hanc cartam inde conscriptam et manu propria corroboratam impressione nostri sigilli insigniri iussimus.

Signum domni Heinrici quarti Romanorum imperatoris invictissimi. (M.9.) (SI.3.)

Bruno cancellarius recognovit.

Data III. nonas iunii, anno dominicę incarnationis millesimo CXVmo, indictione VIII, regnante Heinrico quinto rege Romanorum [ann]o VIIII, imperante IIII; actum est Warmacię; in Christo fęliciter amen.