(C.) In nomine sanctae et individuae trinitatis. Heinricus divina favente clementia quartus Romanorum imperator augustus. Omnibus Christi nostrique fidelibus tam futuris quam presentibus notum fieri volumus, qualiter nos ob petitionem ac fidele servitium Adilmanni abbatis sanctę Herisfeldensis ęcclesię et interventum principum aliorumque nostrorum fidelium prefatę ęcclesię annuale forum, videlicet in exaltatione sanctę crucis, et singulis ebdomadis die sabbati in villa, quę nuncupatur Bretingvon, in qua est baptismalis ęcclesia, predictę Herisfeldensi ęcclesię subdita cum omni iusticia, sita itaque iuxta flumen Werraha, in comitatu Gozwini comitis, statuimus et statutum nostra imperiali auctoritate confirmavimus. Huius vero rei testes sunt: Erlolf abbas Fuldensis, comes Gozmarus et filii eius Gozmarus et Bobbo, Meginhardus et Ǒdalricus nepos eius, Rvogerus, Richwardus, Ernost filius Eruini comitis et Cvonradvs Sporelin. Ut autem hoc ab omnibus credatur et omni ęvo inconvulsum et inviolabile permaneat, hanc cartam inde conscriptam manuque propria corroboratam nostri sigilli impressione, ut inferius apparet, insigniri iussimus.

Signum domni Heinrici quarti Romanorum imperatoris invic(M.9.)tissimi.

Bruno cancellarius recognovit. (SI.3)

Data III. kal. septembris, indictione VII, anno dominice incarnationis millesimo CXIIII, regnante Heinrico quinto rege Romanorum anno VIIII, imperante IIII; actum est Fuldę; in Christo feliciter amen.