In nomine sancte et individue trinitatis. Heinricus divina favente clementia quintus rex. Omnibus Christi nostrique fidelibus tam futuris quam presentibus notum fieri volumus, qualiter nos causa dei et rogatu fidelium nostrorum quendam hominem servilis conditionis nomine Gumboldum, a quodam homine libero nomine Ǒdalrico per manum nobis oblatum, denario de manu eius excusso liberum fecimus et ab omni iugo servitutis excussimus, ea videlicet ratione, ut ipse deinceps ea lege libertatis utatur, qua ceteri manumissi a nostris antecessoribus regibus vel imperatoribus usi sunt. Ut autem huius nostre libertatis donatio rata permaneat, hanc inde kartam nostro precepto conscriptam impressione nostri sigilli insigniri iussimus, velut apparet inferius.

Dat. non. ianuar., indictione XV, anno dominice incarnationis millesimo CVII, regnante Heinrico V. rege; actum est …; feliciter.