Die Urkunden Heinrichs V. und der Königin Mathilde

Abbildungsverzeichnis der europäischen Kaiser- und Königsurkunden

<<114.>>

Heinrich genehmigt einen zwischen Bischof Bruno von Speyer sowie Propst Hezelo und dem Domkapitel vorgenommenen Tausch, wonach diesen gegen ihren Besitz in Oppenweiler vom Bischof der Zins von den Höfen der Juden in der Stadt in Höhe von 3 Pfund und 5 Schilling restituiert wird, mit der Bestimmung, dass eine Zinsminderung vom Bischof auszugleichen ist, während Zinsmehreinnahmen dem Propst und dem Domkapitel bleiben sollen.

(1114) 1113 August 29 – (nach 1118).

Heinricus dei gratia Romanorum imperator augustus. Qui ęcclesiarum quarumlibet utilitati et honori diligenter prospicimus, speciali sollicitudine commodum et honorem sanctę Spirensis ęcclesię merito requirimus. Quam enim parentes nostri singulari semper excoluerunt studio, nos quoque pre ceteris honoramus quasi quodam dilectionis privilegio. Placuit domno Brunoni, eiusdem sedis antistiti, cum Hezelone preposito ceterisque canonicis quoddam concambium facere, scilicet ut ea, que fratres in Oppiwiler tenuerunt, ipse a fratribus acciperet, in civitate autem tres libras et V solidos, censum videlicet de curtibus Iudeorum, liberę fratrum utilitati restitueret. Quod quia absque nostro consensu et voluntate fieri non potuit, res ad nos delata est et diligenter examinata complacuit. Notum igitur omnibus tam presentis quam futuri temporis fidelibus esse volumus, quia et nos fratrum utilitate perspecta huic commutationi adquiescimus, hac tamen conditione, ut, si supradictę Iudeorum curtes predictum censum incendio vel aliqua occasione solvere non potuerint, eiusdem loci episcopus preposito et fratribus, quicquid minus fuerit, sine omni contradictione restituat; si quid autem superfuerit, in eorum utilitatem pariter concedat. Et quia hoc auctoritate nostra factum omni tempore ratum et inconvulsum permanere volumus, sigilli nostri impressione hanc cartam corroborari precepimus. Huius autem rei testes affuerunt: Bruno Treuerensis archiepiscopus, Fridericus Coloniensis archiepiscopus, Hezelo prepositus, Burchardus decanus, Ǒnulfus magister, Vǒcnandus custos cum ceteris canonicis; Heremannus marchio, Godefridus palatinus et alii principes complures; Ekbertus advocatus in vice Egenonis pueri advocati, Cǒno tribunus, Adeloldus, Anselmus, Gerungus. (SI.4.)

Acta anno dominicę incarnationis MoCoXIIIIo, regnante Heinrico quarto Romanorum imperatore augusto, anno VII. venerabilis Brunonis episcopi, IIII. kl. septembris.