(C.) In nomine sanctae et individuae trinitatis. Heinricus divina favente clementia quartus Romanorum imperator augustus. Omnibus Christi nostrique fidelibus tam futuris quam presentibus notum fieri volumus, qualiter nos ob firmam stabilibilitatem (!) regni et imperii nostri et pro remedio animę nostrę et aliorum nostrorum antecessorum regum et imperatorum et interventu etiam nostrorum principum, videlicet Brvnonis Treuerensis archiepiscopi, episcoporum: Bvrchardi Monasteriensis episcopi, Erlvngi Werceburgensis episcopi, Cvononis Strazburgensis episcopi, Rvodvlfi Basiliensis episcopi, Frederici ducis, Herimanni marchionis, Godefridi comitis, et rogatu etiam Bennonis Laursamnensis abbatis et fratrum cellę Michelstat deo servientium hoc privilegium de omnibus beneficiis ad eandem supradictam cellam pertinentibus fieri iussimus. Quorum beneficiorum nomina hic scripta sunt: Marhtbac, Bulaa, Eringesbuc, Alingesbahc, Ertbuc, <Widengesehez>, duo (!) mansus in Ertbac, septem mansus in Stocheim cum molendino, Ameslabrunna, septem mansus in Steinb(ac), ecclesiam et quinque mansus in Rebac, in Qinteca mansum unum et decimas, et decimas in Cella, decimas clientium in Stocheim, duos mansus in Winemundal, unum mansum in Nuenstat, duos mansus in Miniminga, mansum unum et dimidium in Fungestat, mansum unum et dimidium in Bisenstat, curtim cum vinetis et pratis et agris in Heppeneheim, vineas in Besensheim, in Wineheim duos mansus cum pratis et vineis et agris, cum omnibus appendiciis ad supradicta beneficia pertinentibus. Hoc etiam firmiter precipimus et nostra imperiali auctoritate confirmamus, ut nullus episcopus aut abbas vel aliqua persona magna vel parva supradictum locum de predictis beneficiis disvestire, molestare vel aliquomodo inquietare audeat. Liberam etiam facultatem, ut cum eiusdem ęcclesię utilitate fiat, eis dedimus dandi, vendendi, commutandi et quicquid inde voluerint faciendi. Ut autem hoc verum esse credatur et ab omnibus inviolabiliter perpetuo conservetur, hanc cartam manu propria corroboratam impressione nostri sigilli iussimus insigniri. Si quis vero forte, quod absit, huic nostro decreto contraire temptaverit et, quod fecimus, irritum esse voluerit, sciat se compositurum centum libras auri, medietatem camerę nostrę et medietatem fratribus in eadem ęcclesia Christo famulantibus.

Signum domni Heinrici quarti Romanorum imperatoris invictissimi. (M.9.) (SI.3.)

Brvno cancellarius recognovit.

Data XIII. kl. aprilis, indictione VI., anno dominicę incarnationis millesimo CXIII, regnante Heinrico quinto rege Romanorum anno V[I]I, imperante secundo; actum est Warmatię; in Christo feliciter amen.