1. Original

(C.) In nomine sanctę et individuę trinitatis. Heinricus divina favente clementia quartus Romanorum imperator augustus et quintus rex. Noverit omnium sanctę dei ęcclesię fidelium nostrorumque universitas, presentium scilicet ac futurorum, quod pro remedio animę patris nostri beatę memorię Heinrici tercii Romanorum imperatoris augusti ac pro salute nostra necnon ob fidele servitium Ottonis Babinbergensis episcopi, ob interventum quoque principum nostrorum, videlicet Adilberti Maguntiensis, Brunonis Treuerensis, Friderici Coloniensis, archiepiscoporum, Burchardi Traiectensis, Burchardi Monasteriensis, Godescalci Mindensis, Godescalci Osenburgensis, Mazonis Virdensis, Erlungi Wirzeburgensis, Vodalrici Constantiensis, episcoporum, Friderici ducis de Sueuia, Hermanni marchionis de Badůn, Hermanni comitis de Winzenburg, Beringeri comitis de Sulzbach, Godefridi comitis de Kalewa, Friderici comitis de Arnisberg, et aliorum nostrorum fidelium, castrum, quod Albewinistein dicitur, et villam subtus sitam, in pago Nortgowe, in comitatu Ottonis, sancto Petro apostolorum principi et sancto Georgio martyri inclito, sanctę Babinbergensis ęcclesię patronis, per manum Richwini nostri advocati de Lindaha in manum Engilhardi liberi hominis de Lvdunbach predictę ęcclesię tradendum sine omnium contradictione tradidimus, stabilivimus et corroboravimus, eo siquidem tenore, ut tam ipse predictę ęcclesię episcopus Otto quam successores eius liberam potestatem habeant commutandi, precariandi vel, quicquid eis libitum fuerit, inde faciendi, pro utilitate tamen eiusdem ęcclesię. Dedimus autem, ut mos est dare regibus vel imperatoribus, cum omni iusticia ad id pertinente, hoc est utriusque sexus mancipiis, ęcclesiis, edificiis, areis, exitibus et reditibus, agris, cultis et incultis, quesitis et inquirendis, pratis, pascuis, viis et inviis, aquis aquarumque decursibus, molis, molendinis, silvis, venationibus ac cum omni utilitate, quę ullo modo inde provenire poterit. Ut autem hęc nostra imperialis traditio firma et inviolabilis omni evo permaneat, hanc cartam inde conscriptam propriaque manu corroborantes nostri sigilli impressione, ut inferius apparet, insigniri iussimus.

2. Original (Neuausfertigung)

(C.) In nomine sanctę et individuę trinitatis. Heinricus divina favente clementia quartus Romanorum imperator augustus et quintus rex. Noverit omnium sanctę dei ęcclesię fidelium nostrorumque universitas, presentium scilicet ac futurorum, quod pro remedio animę patris nostri beatę memorię Heinrici tercii Romanorum imperatoris augusti ac pro salute nostra necnon ob fidele servitium Ottonis Babenbergensis venerabilis episcopi, ob interventum quoque principum nostrorum, Adelberti Mogontiensis, Brunonis Treuerensis, Friderici Coloniensis, archiepiscoporum, Burchardi Traiectensis, Burchardi Monasteriensis, Godescalci Mindensis, Godescalci Osenburgensis, Erlůngi Wirzeburgensis, Vodalrici Constantiensis, Mazonis Uirdunensis, episcoporum, Friderici ducis de Sweuia, Heremanni marchionis de Badun, Baldewini comitis Flandrensis, Heremanni comitis de Winzeburg, Beringeri comitis de Sulzbach, Godefridi comitis de Kalewa, Friderici comitis de Arnisberg, et aliorum nostrorum fidelium, castrum, quod Albwinistein dicitur, et villam sub castro sitam sancto Petro apostolorum principi et sancto Georgio martyri inclito, sanctę Babinbergensis ęcclesię patronis, sine omnium contradictione tradidimus et confirmavimus, eo siquidem tenore, ut tam ipse eiusdem ęcclesię episcopus O. quam successores eius liberam potestatem habeant commutandi, precariandi vel, quicquid eis libitum fuerit, inde faciendi, ad utilitatem ęcclesię tamen. Dedimus autem, ut mos est dare regibus vel imperatoribus, cum omnibus appendiciis suis, ęcclesiis, edificiis, mancipiis, areis, exitibus et reditibus, agris, cultis et incultis, quesitis et inquirendis, pratis, pascuis, viis et inviis, aquis aquarumque decursibus, molis, molendinis, silvis, venationibus ac cum omni utilitate, que ullo modo inde provenire poterit. Ut autem nostra imperialis traditio firma et inviolabilis omni evo permaneat, hanc cartam inde conscriptam propria manu corroborantes nostri sigilli impressione insigniri iussimus.

Hi sunt testes, qui per aurem Bauuarico more tracti viderunt et audierunt: Otto comes Raddisponę, Herimannus comes, Friderich de Amertal, Friderich de Bettendorph, Wolker de Vlinspach, Gerhart de Aschaha, Merebodo, Gebehart, Wirnt, Marchwart, Ebbo, Ebbo, hi omnes de Ebermůndesdorph, Hartnit de Tvrin, Marchwart, Cvonrad de Pilwisa, Marchwart de Gumpenhoven, Adilbero de Cholenbach, Adilbero de Sahsendorph, Hartnit de Chaldorph.

Hi sunt testes Bauuarico more per aurem tracti: Otto comes Radisponę, Herimannus comes, Friderich de Amertal, Friderich de Bettendorph, Wolker de Vlinspach, Gerhard de Aschaha, Heinrich de Barchstein, Meribodo, Gebehard, Wirint, Marchwart, Eppo, hi omnes de Ebermudesdorf, Hartnit de Tvrin, Marchwart, Chunrad de Pilwisa, Marchwart de Gumpenhouen, Otto de Iringisburch, Adilbero de Stoize, Adilbero de Cholinbach, Adilbero de Sahsendorph, Hartnit de Chaldorph, Ebbo iunior de Ebermundisdorph.

Signum domni Heinrici quarti Romanorum imperatoris (M.8.) invictissimi. (SMP.)

Signum domni Heinrici quarti Romanorum imperatoris (M.8.) invictissimi. (SMP.)

Adelbertus archicancellarius et archiepiscopus recognovi. (SI.3.)

Adilbertus archicancellarius et archiepiscopus recognovi. (SI.3.)

Data V. kal. mai, anno dominicę incarnationis millesimo CXIIo, anno XIIIo ordinationis domni Heinrici quinti regis Romanorum invictissimi, regni autem eius VIo, imperii vero eius IIo, indictione V. eodem anno; actum est Monasterii; in nomine domini amen.

Data V. kal. mai, anno dominicę incarnationis millesimo CXIIo, indictione V., anno XIIIo ordinationis domni Heinrici quinti regis Romanorum, regni autem eius VIo, imperii vero IIo; actum est Monasterii; in nomine domini amen.