(C.) In nomine sancte et individue trinitatis. Henricus divina favente clementia quartus Romanorum imperator augustus. Omnibus Christi nostrique fidelibus tam futuris quam presentibus notum esse volumus, qualiter felicis memorie Henricus comes palatinus superna illuminatione succensus ęcclesiam unam in honore beate Marie perpetue virginis apud Lacum in predio suo a fundamentis erexit, quam assentiente et cooperante honorabili coniuge sua Adeleide de suo patrimonio large et legitime dotavit et viros religiosos monachicam vitam sequentes ad serviendum deo in ea ordinavit. Tale etiam ius, quali eos post mortem suam voluit gaudere, iussit conscribi eisque tradidit pro libertate conservanda et sigilli sui inpressione munivit, subternotatis etiam bonis, quę eidem ęcclesię iuste contulerat, quę omnia Eilbertus Treuirorum archiepiscopus, cum merito approbasset, banno et episcopali auctoritate confirmavit. Post mortem vero predicti palatini comitis Henrici Sigefridus palatinus, qui prefato comiti in palatii comitatu successit, ad maioris stabilitatis aucmentum á nobis postulavit coram principibus, Adilberto videlicet Mogůntiensi, Brunone Treuer(ensi), Friderico Coloniensi, archiepiscopis, Herimanno marchione, item Herimanno de Winzeburch, Godefrido de Calowa, ceterisque nostri fidelibus pium factum vitrici sui confirmari nostra imperiali maiestate, <eo quod sepius statuta maiorum mutantur per successiones temporum, nisi firma traditione stabiliantur. Quia vero nos divina dignatio ad regni solium provexit, ut ęcclesiis per regnum constitutis regali provisione consulamus, earumque iura et possessiones á pravorum hominum inquietatione salvemus>, eandem ęcclesiam, que Lacus dicitur, cum omni integritate sui iuris sub tuitione nostrę regie defensionis suscipimus, inhibentes, ne quisquam ei iniuriam inferat in bonis sibi collatis á predicto comite Henrico, que placuit nobis nominatim exprimere: Crůth cum ęcclesia, <Bettendorp et Heimbach et eorum adiacentia>, Belle, Reida, Alkena, Willeberch, et quę ipse Sigefridus comes addidit in presentia nostri et prefatorum principum ad promotionem sepedicti loci de patrimonio suo, Meilen scilicet in Brabant, Ouerhoben et Geneheiden cum suis pertinentiis. <Porro advocatus, qui pro tempore fuerit, si lege sibi statuta á comite Henrico palatino et á nobis confirmata contentus non fuerit, quod plerumque accidere solet in advocatis, dum ambitione dominandi et potestate sibi concessa ultra terminos suos se extendunt et aliorum iura infringunt, et his ammonitus infra sex ebdomadas non satisfecerit, liceat eum amovere et alium loco suo substitutere>.

angebliches Original <Ut autem hec carta per omnem successionem temporum rata et inconvulsa permaneat et ne cuiusquam temeritas hanc labefactare presumat, regia nostra auctoritate et banno roboravimus et manu nostra notatam et sigilli nostri impressione signatam’ munivimus>.

Urkunde des Pfalzgrafen Siegfried von ca. 1112 Ut autem hęc nostra traditio firma et inviolabilis in perpetuum permaneat, hanc cartam inde conscriptam nostri sigilli impressione insigniri fecimus.

Signum domni Henrici quarti Romanorum imperatoris (M.8.) invictissimi. (SMP.)

Arnoldus vice Adilberdi archicancellarii et archiepiscopi recognovi. (SI.3.)

Data VII. kal. mai, anno dominice incarnationis millesimo CXII, indictione I, anno XIII. ordinationis domni Henrici V. regis Romanorum, regni autem eius VI, imperii vero eius IIo; actum est Monasterii; in nomine domini amen.