(C.) In nomine sanctae et individuae tri[nit]atis. Heinricus divina favente clementia quartus Romanorum imprator (!) augustus. Omnium dei nostrique fidelium presentium scilicet et futurorum noverit universitas, qualiter nos pro omnipotentis dei amore homines habitantes in insula Cumana et in loco, qui dicitur Menaxi, sub nostrę defensionis mundiburdio recepimus et nostra preceptali pagina confirmavimus, quemadmodum a predecessoribus nostris regibus vel imperatoribus eis concessum et preceptali auctoritate largitum atque corroboratum est, scilicet ut hostem non faciant, aribergati non fiant, curaturam, terraticum, riuadigum aut decimationem in qualibet parte terrarum nostri imperii non dent, nec apud Curiensem civitatem predicta decimatio a predictis hominibus deinceps exigatur. Ad placitum non eant nisi tribus vicibus in anno ad generale placitum Mediolani. Precipientes itaque iubemus, ut nullus episcopus, dux, marchio, comes, vicecomes nullaque regni nostri magna parvaque persona predictos homines insulano[s et] habitatores de Menasi, francos videlicet dicimus, inquietare, molestare, de suis prediis disvestire aut in eorum personas manus mittere sine legali iudicio presumat. Quod qui f[e]cerit, sciat se compositurum auri optimi libras mille, medietatem camere nostrę et medietatem predictis insulanis et habitatoribus Menaxi. Quod ut verius credatur, hanc paginanam manu propria corroborantes sigillari precepimus.

Signum domni Heimrici quarti Romano[r]um imperatoris invictissimi. (M.9.)

Burcardus cancellarius et episcopus Monasteriensis recognovit. (SI.D.)

Hoc preceptum factum est rogatu et petitione Iordanis fidelis nostri et Widonis vicecomitis et Lanfranci filii Oddonis iudicis de insula et Nigri boni.

Data, indictione VIIII, anno dominice incarnationis millesimo CXVI, regnante Heinrico quinto rege Romanorum anno XI, imperante VI; actum est Florenzul; in Christo feliciter amen.