Die Urkunden Heinrichs V. und der Königin Mathilde
1.>>

H(einrich) teilt seinem Vater (Heinrich IV.) mit, dass er seinem wiederholten Rat gemäß zu Beginn der Adventszeit in eigenen Angelegenheiten nach Saalfeld zu ziehen vorhabe, bittet ihn, dafür bei H(einrich), dem Sohn des Herzogs O(tto), sicheres Geleit für sich und sein Gefolge zu erwirken, schlägt ihm vor, selbst zur Feier des Weihnachtsfestes und zur Beratschlagung der Angelegenheiten nach Saalfeld zu kommen, und bittet ihn um rechtzeitige Instruktionen.

(vor 1100 Ende November).

Domino patri venerando H. dei gratia id, quod est, cum fideli orationum instantia devotissima ac semper parata servicia. Diligens caritas et affectuosa paternitatis vestrę serenitas, que in gerendis rebus meis sollicitam semper exhibet consultationem, hoc plane hortatur et suadet, ut universę consilii mei intentiones vos precipue respiciant et ad exequenda negocia mea, prout tempus et necessitas exposcit, familiariter vos invitent. Quoniam igitur ex consiliis meorum nuper inductus inchoante dominico adventu Saleuelt ire decrevi, quod et industria vestra sepe litteris, sepe vivis vocibus paterne me commonuit, commodum quam maxime duxi, ut hoc iter et universa, que honori et utilitati vestrę conveniunt, iuxta moderationem consilii vestri disponam et peragam. Nichil enim, ut verum fatear, usque adeo grave vel impedimentum mihi poterit incumbere, quod non videatur participatione consilii et favoris vestri felices exitus posse invenire. Nunc ergo ad huius negocii inceptionem hoc precor et familiariter suggero, ut favor vester apud H. filium O. ducis tutam viam mihi ceterisque, qui mecum profecturi sunt, caute provideat. Hoc quoque, venerande pater, summopere postulo, ut vos ipse in predicto loco ad nos venire et dominicam nativitatem nobiscum agere dignemini, quatinus presentia vestra ipsam sollempnitatem nobis lętam efficiat et cęteras res nostras patrociniis suis sustentet et regat. Quicquid autem paternitas vestra super hac re deliberaverit, nobis insinuare non differat, ut in tempore scire possimus, quid tandem agere vel sequi in hac re debeamus.