Schillmann 713
Ausstellungsdatum: |
|
Rubrik: |
|
Initium: |
|
Brieftext
Ed. C. Bourel de La Roncière, Les registres d’Alexandre IV (1254–1261) 1 (Bibliothèque des Écoles françaises d’Athènes et de Rome 2e sér. 15,1, 1902) S. 224 Nr. 733
descendens, discipulos quos elegit in universum mundum transmisit omni creature evangelium predicare, nonnunquam viros providos et discretos, cum nequeamus locis singulis corporali presentia imminere, instructi ejus exemplo, in partem sollicitudinis evocamus pro negotiorum urgentium qualitate, qui, prava in directa et aspera convertentes in plana, rectas faciant semitas Dei nostri populumque acceptabilem sibi reddant. Sane inter cetera desiderabilia cordis nostri, animarum salutem, libertatis ecclesiastice incrementum et pacem cunctis Christi fidelibus potissime cupientes, sedula vigilamus sollertia et quod possumus diligentie studium adhibemus, ut possint laudabiliter summotos impedimentis quibuslibet juxta desiderii nostri plenitudinem auctore Domino convenire, ac eo ardentius in Sardinie et Corsice partibus animarum profectus adveniat, libertas ecclesiastica vigeat ac pacis servetur tranquillitas, affectamus, quo ferventius bonum statum partium appetimus earundem. Ut igitur ipse partes eo magna in Dei et Ecclesie devotione proficiant, quo se specialius per legati Sedis apostolice presentiam senserint confoveri; ecce tibi, de cujus probitate et industria plenam in Domino fiduciam obtinemus, in prefatis partibus, ut evellas et destruas, dissipes et disperdas, edifices et plantes, sicut expedire videris, plene legationis officium duximus committendum. Quocirca mandamus quatenus legationem sic studeas juxta datam tibi a Domino gratiam laudabiliter exercere, ut exinde penes Deum meritum et apud homines compares nomen bonum nosque devotionis tue promptitudinem dignis in Domino laudibus commendemus. Dat. ut supra.
Handschrift
Parallelüberlieferung und Regesten
Papstregister: |
|
Clemens IV.: | - |
Richard von Pofi: | - |
Berard von Neapel: | - |
Potthast: | - |
Regesta Imperii V: | - |