Schillmann 414
Ausstellungsdatum: |
|
Rubrik: |
|
Initium: |
|
Brieftext
Ed. Ernest Langlois, Les registres de Nicolas IV (1288–1292) 1 (Bibliothèque des Écoles françaises d’Athènes et de Rome 2e sér. 5,1, 1887) S. 24–25 Nr. 152
ecclesie de Ulyanz, tue diocesis, tui procuratores et nuntii ad petendum ex parte tua palleum, quod est insigne pontificalis officii, ad sedem apostolicam specialiter destinati, proponentes in nostra et fratrum nostrorum presentia, quod episcopo Eduensi, qui est pro tempore, jus utendi palleo competit ex apostolico privilegio speciali, et quod a longis retroactis temporibus episcopus ipse, cum ad regimen ecclesie predicte de novo assumitur, palleum ab ecclesia romana recipere illoque postmodum uti usque ad hec tempora consuevit, qui etiam, dum Lugdunensem ecclesiam Metropolitanam suam pastore vacare contingit, in civitate, diocesi et provincia Lugdunensi, tam ex simili privilegio quam de antiqua et approbata consuetudine, ut iidem nuntii asserebant, ea que ad officium archiepiscopale spectant, exercet, quodque tu, ex causis justis ac probabilibus prepeditus, nequiveras comode pro petendo dicto palleo apostolico te conspectui personaliter presentare, a nobis cum ea qua decet instantia suppliciter postularunt, ut dictum palleum in illis partibus tibi tradi de benignitate apostolica faceremus. Licet autem de hujusmodi privilegio et alio jure, que super hoc dicti nuntii, ut predicitur, allegabant nobis, facta non fuerit plena fides, attendentes tamen quod, sicut ex fidedignorum relatione accepimus, per quosdam predecessores nostros romanos pontifices aliquibus predecessoribus tuis, qui Eduensi ecclesie prefuerunt pro tempore, fuit palleum ipsum, suarum personarum intuitu in earum novitate concessum, ac volentes persone tue in hac parte gratiam facere specialem, predictum palleum de corpore beati Petri sumptum per prefatos priorem et magistrum Galterum venerabilibus fratribus nostris .. archiepiscopo Viennensi et .. episcopo Matisconensi assignandum tibi per ipsos, vel eorum alterum, duximus destinandum, ut illud tibi assignent sub forma quam eis sub bulla nostra mittimus interclusam et a te, nostro et ecclesie romane nomine, sub forma quam sub eadem bulla dirigimus, fidelitatis recipiant juramentum. Volumus tamen per hujusmodi assignationem ipsius pallei, quam sic fieri tibi mandamus, jus novum tibi seu successoribus tuis, aut eidem Eduensi ecclesie non acquiri, sed antiquum, si quod vobis competit, tantummodo conservari... Nuper dilecti filii … – Dat. Reate, idibus junii, anno primo.
Handschrift
Redaktion M |
Arles 60, fol. - |
Parallelüberlieferung und Regesten
Papstregister: |
|
Clemens IV.: | - |
Richard von Pofi: | - |
Berard von Neapel: | - |
Potthast: | - |
Regesta Imperii V: | - |