Schillmann 383
Ausstellungsdatum: |
|
Rubrik: |
|
Initium: |
|
Brieftext
Ed. Édouard Jordan, Les registres de Clément IV (1265–1268) (Bibliothèque des Écoles françaises d’Athènes et de Rome 2e sér. 11, 1893–1945) S. 99–100 Nr. 362
merita, que jugiter in oculis sancte Romane ecclesie cum multa cordis nostri delectatione relucent, ac suarum virtutum aromata, quarum odor gratissimus jam per loca plurima sollempniter est diffusus, nos et fratres nostros ad hoc unanimiter induxerunt, quod nos nobilem et famosam Messanensem ecclesiam, tunc pastoris regimine destitutam, de persona ipsius honorabili volentes in Domino dignissime consolari, eumdem archiepiscopum, absolutum a vinculo quo ecclesie Cusentine tenebatur astrictus, ad regimen ipsius Messanensis ecclesie, de nostre plenitudine potestatis, duximus transferendum, sibi pallium ad nomen et usum ejusdem Messanensis ecclesie postmodum concedentes, spe firmissima et secura ducti fiducia, quod cum idem archiepiscopus, predictis et multis aliis insignitus meritis, in spiritualibus et temporalibus industrie magnitudinem habeat perspicacis, predicta Messanensis ecclesia per sue diligentie studium, divina favente gratia, debeat in prosperis consequi multiplex incrementum; carissimo in Christo filio nostro Carolo, illustri rege Sicilie, cujus persona inclita in ipso venerabili consiliario suo patenter honorari conspicitur, multam exinde concepturo letitiam, et vacaturo clementer ad illius benignitatis studium, ut prefata Messanensis ecclesia honoris et utilitatis grande jugiter consequatur augmentum. – Dat. Viterbii, II kalendas octobris, anno secundo.
In e. m. clero civitatis et diocesis Messanensium.
In e. m. populo civitatis et diocesis Messanensium.
Handschrift
Parallelüberlieferung und Regesten
Papstregister: |
|
Clemens IV.: | - |
Richard von Pofi: | - |
Berard von Neapel: | - |
Potthast: | - |
Regesta Imperii V: | - |