Schillmann 356

.. Episcopo Briocensi.

Ne monasterio Sancti Florentii Salmuriensis, ordinis Sancti Benedicti, Andegavensis diocesis, prout accepimus abbatis regimine destituto, pretextu vacationis diutine gravia in spiritualibus possint dispendia imminere, nos, .. prioris et conventus ipsius monasterii precibus inclinati, mandamus quatinus suspensionis, excommunicationis et interdicti sententias, si que in eos auctoritate apostolica vel ordinaria sunt prolate, recepta prius ab eis juratoria cautione quod super illis Ecclesie mandato parebunt, si eas constiterit juste promulgatas, ad cautelam hac vice auctoritate nostra relaxans, concedas eisdem quod per electionem seu postulationem aut nominationem sibi canonice provideant de abbate. Dat. Perusii, VII idus julii, anno decimo.