Pseudo-Marinus von Eboli

Schillmann 3442

Ausstellungsdatum: 1276.11.20
Rubrik: Processus habitus contra marchionem Montisferrati et contra Astenses ecclesie Romane rebelles.
Initium: Quia nobilis vir

Zum Verzeichnis Schillmann

Brieftext

Ed. J. Guiraud / E. Cadier, Les registres de Grégoire X (1272–1276) et de Jean XXI (1276–1277) (Bibliothèque des Écoles françaises d’Athènes et de Rome 2e sér. 12, 1892–1960) S. 49–50 Nr. 156

Quia nobilis vir .. marchio Montisferrati, potestas capitaneus, consilium et commune civitatis Astensis quosdam exteros milites et alios armatos contra inhibitiones et comminationes auctoritate Sedis Apostolice ac ab ipsa sede factas recipere ausu dampnabili presumpserunt, felicis recordationis Gregorius papa, predecessor noster, predictos marchionem, potestatem, capitaneum, consilium ac alios per quos civitas ipsa tempore receptionis hujusmodi regebatur, denuntiavit propter hoc excommunicationis, dictam vero civitatem interdicti varias eadem auctoritate promulgatas sententias incurrisse; monens nichilominus ipsos ut milites et alios supradictos infra festum Nativitatis Domini tunc proximo venturum, de terris suis repellerent omnino nunquam illos vel aliquos tales ulterius admissuri, alioquin singulares personas monitioni hujusmodi non parentes excommunicationis, quam extunc protulit, incurrere voluit sententiam eo ipso, civitatem vero prefatam ecclesiastico esse suppositam interdicto. Insuper, quia sepedicti marchio, potestas, capitaneus, consilium et commune contra inhibitionem sedis ejusdem cum communi Papiensi societatem presumptione temeria (sic) contraxerunt, illos ac ceteros per quos tunc temporis regebatur civitas supradicta, excommunicationis sententiam propter hoc latam incurrisse denuntians, interdicto simili civitatem subjecit eandem; aperte predicens marchioni, potestati, capitaneo, consilio et communi prefatis quod nisi ante diem Cene Domini tunc proximo futurum, quem eis pro peremptorio termino assignavit, ad sua et ecclesie mandata redirent, satisfaturi (sic) de hujusmodi excessibus ac ejus precise beneplacitis parituri, omnes quocumque jure subjectos a subjectione ad quam tenerentur eisdem absolveret, prout expedire videret, ipsosque privaret feudis omnibus que ab ecclesiis quibuslibet obtinebant, ac cives civitatis ejusdem capi mandaret in regnis et provinciis quibuscumque; bona preterea et personas eorum citra mortis et mutilationis periculum exponendo, bona ipsa mandaret ubilibet occupari, alias contra eos gravius spiritualiter et temporaliter processurus, prout expediens fore putaret ac facti circumstantie suaderent. Recolende quoque memorie Innocentius papa, predecessor noster, qui eidem, etc., usque memoratos predecessoris ipsius processus approbans denuntiavit eosdem marchionem, potestatem, capitaneum, consilium et commune civitatis ejusdem penis statutis et sententiis promulgatis in eos per eundem predecessorem, ut premittitur, etc., usque procurarent. Alioquin extunc contra eos non solum premissos ejusdem predecessoris processus, etc., usque ad Ascensionis Domini eosdem marchionem, potestatem, capitaneum, consilium et commune civitatis predicte attentis persuasionibus, etc., usque indicat, aliud eorundem marchionis et Astensium protervia mereretur, etc., usque excitantes eosdem marchionem, potestatem, capitaneum, consilium et commune civitatis prefate denuntiamus, etc., usque publicabit, ita quod iidem marchio, potestas, capitaneus, consilium et commune civitatis Astensis nec non et alii quos, etc., ut in prima usque in finem.

Handschrift

Redaktion M
Arles 60, fol. -

Parallelüberlieferung und Regesten

Papstregister: Jean.XXI.156
Clemens IV.: -
Richard von Pofi: -
Berard von Neapel: -
Potthast: -
Regesta Imperii V: -

neue Suche