Pseudo-Marinus von Eboli

Schillmann 3255

Ausstellungsdatum: 1289.03.09
Rubrik: Ut episcopus Pictavensis possit non obstantibus quibuscumque privilegiis rege et regina exceptis spiritualem gladium exercere.
Initium: Pastoralis officii cura

Zum Verzeichnis Schillmann

Brieftext

Ed. Ernest Langlois, Les registres de Nicolas IV (1288–1292) 1 (Bibliothèque des Écoles françaises d’Athènes et de Rome 2e sér. 5,1, 1887) S. 149 Nr. 711

Venerabili fratri .. episcopo Pictavensi.

Pastoralis officii cura nos ammonet ut, circa tuum et ecclesie tue statum attente considerationis intuitum dirigentes, te illius favoris et gratie prosequamur auxilio quod tibi et ei fore perpendimus oportunum. Ad nostrum siquidem pervenit auditum quod nonnulli, qui, proprie salutis immemores, in sue malitie gloriantur operibus et in pravis actibus delectantur, ac etiam plerique officiales regii, commisse tibi jurisdictionis finibus non contenti, te ac eandem ecclesiam in personis et bonis ac juribus tuis et ipsius ecclesie, divina et apostolice sedis reverentia prorsus abjecta, interdum gravibus injuriis et offensis afficere ac dispendiosis opprimere molestiis et jacturis indebite non verentur. Nos igitur, quibus superne dispositionis arbitrio ecclesiarum omnium est sollicitudo commissa, diligentius attendentes quod eo commodius et efficatius bona et jura predicta conservare poteris et tueri quo per eandem sedem majori fueris auctoritate munitus, fraternitati tue spiritualem gladium, ut eo contra tuos et ecclesie tue predicte injuriatores, molestatores, turbatores et impetitores quoslibet libere, per te vel alium seu alios, uti possis, quandocumque et quotienscumque putaveris expedire, de gratia concedimus speciali. Volentes nichilominus ut hujusmodi gladius tibi alias quomodolibet competens in sui perduret roboris firmitate, non obstantibus quibuscumque privilegiis, litteris vel indulgentiis carissimo in Christo filio nostro Philippo, regi Francorum illustri, vel predecessoribus suis Francie regibus, seu comitibus, baronibus aut nobilibus ac laicis aliis quibuscumque, sub quovis tenore seu forma vel conceptione aut expressione verborum concessis, etiam si de ipsis de verbo ad verbum et totis eorum tenoribus esset ex certa scientia specialis mentio facienda. Nolumus autem quod indultum hujusmodi ad predicti regis et consortis sue personas et capellam regiam aliquatenus se extendat. Nulli ergo, etc., nostre concessionis, etc. Dat. Rome, apud Sanctam Mariam Majorem, VII idus martii, anno secundo.

Handschrift

Redaktion M
Arles 60, fol. -

Parallelüberlieferung und Regesten

Papstregister: Nic.IV.711
Clemens IV.: -
Richard von Pofi: -
Berard von Neapel: -
Potthast: -
Regesta Imperii V: -

neue Suche