Schillmann 2306
Ausstellungsdatum: |
|
Rubrik: |
|
Initium: |
|
Brieftext
Ed. Élie Berger, Les registres d’Innocent IV (1243–1254) 3 (Bibliothèque des Écoles françaises d’Athènes et de Rome 2e sér. 1,3, 1897) S. 76 Nr. 4511
Minceberg (sic) imperialis aule camerarius ita sollicitus et fervens haberi dicitur, ut propter hoc sibi apud eandem Sedem gratiosi favoris premium debeatur. Sane ipsius nobilis insinuatione percepimus quod dilectus filius nobilis vir Sibotho (sic) privignus suus Lugardin filiam nobilis viri .. comitis de Rostem Ecclesie Romane devoti, que in quarto gradu consanguinitatis contingit eundem, sibi matrimonialiter copulavit. Quia vero per hujusmodi matrimonium non solum quedam capitales inimicitie sunt sopite, sed multis periculis finis est impositus salutaris, et propter hoc etiam ipsi Ecclesie grata prout dicitur poterunt obsequia provenire, nos, obtentu ipsius camerarii fraternitati tue auctoritate presentium duximus committendum quatinus consideratis circumstantiis universis, si decens et expediens tibi videbitur, cum predictis S. et L. quod in matrimonio sic contracto non obstante impedimento hujusmodi libere valeant remanere dispenses. Dat. Lugduni, indibus maii, anno VI°.
Handschrift
Parallelüberlieferung und Regesten
Papstregister: |
|
Clemens IV.: | - |
Richard von Pofi: | - |
Berard von Neapel: | - |
Potthast: |
|
Regesta Imperii V: | - |