Schillmann 2210
Ausstellungsdatum: |
|
Rubrik: |
|
Initium: |
|
Brieftext
Ed. C. Bourel de La Roncière, Les registres d’Alexandre IV (1254–1261) 1 (Bibliothèque des Écoles françaises d’Athènes et de Rome 2e sér. 15,1, 1902) S. 69–70 Nr. 254
habearis, sub illa firmitate fiducie quod virtus Altissimi que tibi spiritum pietatis in presenti vita contulit te pro tue caritatis operibus gloria et honore perpetuo coronabit, nobis ex hac delectabili tui nominis claritate illum concipientibus benignitatis affectum quod tua justa desideria delectamur prosequi benivolentia gratiosa. Sane petitionis tue seriem audivimus continentem quod tu, illorum premiorum intuitu que a Regis Eterni clementia pro misericordie studio compensantur, in proprio fundo tuo in civitate Norwicensi de bonis per tuam industriam acquisitis, quoddam hospitale in honorem beate Marie Virginis ac sancti Egidii ad opus sacerdotum qui debilitate vel senectute confracti divina celebrare non possunt seu non habeant unde valeant sustentari, et etiam ad opus certi numeri pauperum scolarium in civitate predicta studentium ac tredecim pauperum reficiendorum ibidem cotidie necnon infirmorum illuc declinare volentium construxisti, magistro, fratribus et ministris in eodem hospitali ad executionem premissorum necessariis nichilominus institutis. Et ne in posterum pro necessariorum defectu, tua in hac parte pia dispositio valeat impediri, quasdam possessiones cum jure patronatus sancte Marie de Walsam, de Senges, de Hardele et Cryngelthop ecclesiarum Norwicensis diocesis a quibusdam laicis justo emptionis titulo acquisitas in perpetuum hospitali predicto pia et provida deliberatione donasti, de capituli tui consensu concedens ut, rectoribus ecclesiarum ipsarum cedentibus vel decedentibus, possint eas prefati magister et fratres in tam usus laudabiles retinere, prout in patentibus litteris tuis exinde confectis et signatis tuo et ejusdem capituli sigillis plenius dicitur contineri. Nos itaque tuis supplicationibus benignum impertientes assensum, quod a te super premissis pie ac provide factum est, ratum et firmum habentes, id auctoritate apostolica confirmamus etc. usque communimus. Volumus tamen quod capellanis perpetuo servituris in ecclesiis memoratis de ipsarum proventibus portio competens ex qua ipsi congrue sustentari et episcopalia ac alia eorum onera supportare valeant assignetur: successorum tuorum in omnibus jure salvo. Nulli etc. nostre confirmationis etc. Dat.Neapoli, VI idus marcii, anno primo.
Handschrift
Parallelüberlieferung und Regesten
Papstregister: |
|
Clemens IV.: | - |
Richard von Pofi: | - |
Berard von Neapel: | - |
Potthast: | - |
Regesta Imperii V: | - |