Pseudo-Marinus von Eboli

Schillmann 217

Ausstellungsdatum: 1278.04.04
Rubrik: Super eodem.
Initium: Summus omnium magister

Zum Verzeichnis Schillmann

Brieftext

Ed. Jules Gay / Suzanne Vitte, Les registres de Nicolas III (1277–1280) (Bibliothèque des Écoles françaises d’Athènes et de Rome 2e sér. 14, 1898–1938) S. 91–92 Nr. 242

Venerabili fratri R. quondam Cantuariensi archiepiscopo episcopo Portuensi.

Summus omnium magister et opifex ore prophetico inquiens suscitabo tabernaculum David quod cecidit ac post pauca subjungens et ea que corruerant instaurabo, vicarios suos pro tempore futuros instruxit in ecclesia Dei reparare que decidunt, et ut necessarios ministros ipsius quos sortis humane fragilitas frequentius subtrahit et diutius manere non sunt remedio vicissitudinarie substitutionis instaurent, et hinc nos non sine multa mentis amaritudine recensentes sollempnes a paucis retro temporibus in sacrosancta Romana ecclesia cecidisse columpnas et multiplicatas in ipsa ex multorum cardinalem subtractione ruinas, illas pretactam secuti doctrinam cum fratribus nostris frequenti et propensa deliberatione prehabita implere studuimus in subtractorum vices aliis dilectis ut credimus et electis a Domino de ipsorum fratrum consilio subrogatis, ut eidem pie matri ecclesie pro patribus filii nascerentur quorum consilio dirigi possit in dubiis et fulciri suffragiis in adversis. Inter quos ad personam tuam quam virtutum Dominus multis virtutibus insignivit considerationis convertentes intuitum te ad onus hujusmodi ministerii duximus eligendum, et te a vinculo quo Cantuariensi tenebaris ecclesie absolventes de persona tua Portuensi ecclesie tunc vacanti duximus providendum, te in episcopum preficientes eidem, fraternitati tue non solum libere transeundi ad illam licentiam concedentes sed et presentium auctoritate mandantes quatinus onus dispositione apostolica humeris tuis impositum devote suscipiens hujusmodi provisioni nostre in humilitate spiritus sine cujusquam difficultatis obice acquiescas et ad presentiam nostram absque dispendio morose tarditatis accedas una nobiscum divinis obsequiis et universalis ecclesie servitiis vacaturus.Dat. Rome apud Sanctum Petrum, II nonas aprilis, anno primo.

Handschrift

Redaktion M
Arles 60, fol. -

Parallelüberlieferung und Regesten

Papstregister: Nic.III.242
Clemens IV.: -
Richard von Pofi: -
Berard von Neapel: 706
Potthast: -
Regesta Imperii V: -

neue Suche